الظلم سرق الحلم .. رسالة مؤثرة من محمد زيدان على هزيمة مصر أمام الأرجنتين

أعرب محمد زيدان، لاعب منتخب مصر السابق، عن حزنه الشديد عقب وداع الفراعنة منافسات كأس العالم، بعد الخسارة أمام الأرجنتين بنتيجة 3-2 في دور الـ16 من البطولة.

وقال زيدان عبر حسابه الشخصي على موقع التواصل الاجتماعي "فيسبوك": "إحساس فظيع، إحساس ظلم، إحساس كسرة.. لما تبقى كل حاجة في إيدك وحلمك قدام عينيك، وتكون عملت كل حاجة وحققت حاجة مكنتش تتخيلها ولا تستوعبها".

وأضاف: "بتلعب ماتش كبير جدًا، واللاعيبة بتلعب لعب رجولي، وفجأة كل حاجة تروح منك، والحلم يضيع، والمجهود والتعب يروحوا، وكمان لما تحس إن ده اتاخد منك بظلم بجد.. اللاعيبة اتظلمت، تعبهم اتظلم، وحلمهم اتاخد منهم بغدر وظلم".

وتابع زيدان: "الناس تعبانة، الناس مقهورة هنا عندنا، المنتخب وأنا عند اللعيبة في الفندق.. الناس تحت موجوعة، والناس ميتة، والناس تعبانة ومش مصدقة إيه اللي حصل، كلنا محدش فينا مستوعب اللي حصل".

واختتم لاعب منتخب مصر السابق تصريحاته قائلًا: "أنا كنت في المدرجات بعمل فيديوهات من كتر الفرحة ومش مصدق نفسي، وفجأة اتخطفنا بجد. أنا من الوجع هموت، والله العظيم مش قادر يا جماعة. اللاعيبة بجد رجالة، والجماهير هنا استقبلتهم استقبالًا لا يوصف، وقعدوا يهتفوا لهم واحد واحد ويقولولهم رجالة.. وهما فعلًا رجالة وعملوا اللي عليهم".

وكان زيدان قد علق على خسارة منتخب مصر أمام الأرجنتين بعبارة: "الظلم والغدر سرقا الحلم والتعب"، معبرًا عن حزنه لما حدث في المباراة.