الغش يبطل عقد الزواج والأب يستضيف ابنه.. مفاجآت في قانون الأحوال الشخصية للمسيحيين

كشف منصف سليمان عضو المجلس الملي العام للكنيسة القبطية، تفاصيل التعديلات الجديدة في قانون الأحوال الشخصية للمسيحيين وموقف بطلان عقد الزواج بين الطرفين، معلقا: « القانون زمان كان بيقصر بطلان عقد الزواج على حالات محددة جدًا، زي الغش في البكورية، وكمان بشرط رفع الدعوى خلال 3 شهور، لكن دلوقتي الوضع اختلف تمامًا».

وأوضح سليمان، خلال برنامج نظرة المذاع على قناة صدى البلد تقديم الإعلامي حمدي رزق، أي غش يصدر من أي طرف من الطرفين يترتب عليه بطلان العقد، والغش ممكن يكون في معلومات أساسية زي المؤهل أو الحالة الاجتماعية.

ونوه أن التعديل الجديد يرجع في تعريف الغش إلى القانون المدني، بناءً على توجيهات البابا تواضروس الثاني، لتجنب تعقيد الأمور ووضع تعريف شامل لأي نوع من أنواع الغش، مؤكدا أن الهدف من التعديلات هو تحقيق عدالة أكبر وحماية حقوق الطرفين، بما يتماشى مع الواقع والمشكلات اللي بيواجهها المجتمع.

 وبشأن مادة رؤية الأطفال، واصل قائلا: في حاجة كمان بالإضافة للرؤية هي فكرة مبيت الأب مع أولاده، مكنش في قبل كدة حاجة اسمها الاستضافة، مكنش في حاجة قبل كدة اسمها إنه الأب مش بس إنه يشوف ولاده ساعتين في مركز شباب.».

واختتم قائلا: «الطفل ممكن يقعد معاهم نهاية الأسبوع، يبات معاهم وياخدهم ويسافر بيهم بحسب المصلحة الفضلى للطفل، يعني أنا مابقتش بس أشوف ابني لمدة ساعة ولا ساعتين في مركز الشباب لأ ده أنا كمان ممكن أخرج معاه، ممكن يبات معايا، ممكن يسافر معايا لفسحة أو لمصيف وقت محدد في السنة أو الرؤية عبر برنامج زوم في حالة السفر».