القصة الكاملة لأزمة رضوى الشربيني وياسمين عز.. حرب كلامية بطلها «الفرعون»

إسماعيل هاني 28 ابريل 2023 | 08:48 مساءً

وقعت أزمة تصريحات متبادلة بين أبرز مذيعتين على الساحة الإعلامية على القنوات الفضائية ببرنامجهما الأكثر اهتماما بالرجل والمرأة.

بداية أزمة رضوى الشربيني وياسمين عز

بدأت قصة الأزمة بين الإعلاميتين رضوى الشربيني وياسمين عز بعدما سخرت الأولى من تصريحات سابقة للثانية، قالت فيها: «البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها.. أنا ست عندها كرامة..كلام العبيد ده مش بتاعي».

ياسمين عز ترد على رضوى الشربيني: ويحك يا دعسوقة

ومن جانبها ردت الإعلامية ياسمين عز، على تصريحات رضوى الشربيني في رسالة عبر حسابها الشخصي على موقع التواصل الإجتماعي فيسبوك، قائلة : ويحك يا دعسوقة، كرامة ايه يا أم كرامة بلاستيك اطرافها مطاط، تمط وتنكمش حسب المصلحة والظروف المحيطة، مدام بليز كرامتك وقعت منك اخر مرة هناك، ابعتي عبد (مظلوم ) من عندك يجيبها قبل ما تسيح فالشمس، واحكيلنا بالمرة (قواعد بيات المراة الاربعون برة بيت الزوج من غير اذنه).

وتابعت ياسمين عز: سلينا كدة في الاجازة لانك شطبتي محتوي وبقيتي مملة،،حتي في تلقيحك مملة، زيرو محتوي زيرو انوثة ،،بس الامانة استرجال ليفل الوحش.

ياسمين عز: أدوس علي اي حد علشان خاطر الفرعون الصغير

واستكملت ياسمين عز: ده أنا مش بس ادوس عالفساتين الماركات دة انا أدوس علي اي حد علشان خاطر الفرعون الصغير الكبير ، بعمل دة فالحياة العادية وبقوله فالعلن، انما بقي لما يكون في خرابة بيوت بتبوس الجذم فالسر وتعمل فيلم (مظلوم ) وتطلع فالعلن تحكيلنا مأساة المرأة الاغريقية ،،كدة انتي محتاجة علاج يا مدام ،،روحي اتعالجي يا مدام،، في تشوهات نفسية وشياط وغيرة ويأس بدأ يتجلي ويتفشي ويترعرع في الانحاء.

وأوضحت ياسمين: بلاش نشغل اسطوانة المراة الحديدية، علشان المرأة نفسها لوعرفت انتي ايه هيجيلها صدمة دماغية حضارية، بقولك يا خرابة البيوت العمرانة، جربي حطي اسمي تاني في تلميحات او تلقيحات، علشان هنتفرج كلنا وقتها انا هدوس علي ايه تاني غير الماركات، وأهو بالمرة نحكي الحكايات، ونسلي الناس فالاجازات.