القصة الكاملة وراء أزمة محمد الشقنقيري ورحيل ذكري .. مكنتش أتخيل إني هتجوز واحد متجوز

فجرت عارضة الأزياء رحيل ذكري، مفاجأة من العيار الثقيل، بعد إعلانها طلاقها من الفنان محمد الشقنقيري بشكل رسمي، بعد زواج دام لمدة سنة وشهرين، ورغم نفي الأخير لتلك العلاقة، إلا أنها كشفت تفاصيل الانفصال.

وظهرت رحيل خلال بث مباشر عبر حسابها على انستجرام، وظهرت بعض الكدمات بوجهها، وعلقت قائلة، «هتكلم معاكم بخصوص الفيديوهات اللي نزلتها اليوم بخصوص انفصالي عن محمد الشقنقيري وناس كتير كتبوا أنهم متفبركين وأنا مش هفبرك فيديوهات كمان يعني».

وأضافت، «دي مش قضيتي والناس مش قفشتني وأنا بحاول ابرأ، واتعودت إن سمعتي بيني وبين ربنا يعني أنا مثلا بلبس مفتوح في وسط ناس عرب تقاليدهم تمنعهم من ده ودينهم كمان، ومظهري الخارجي رايح في ستين داهيه بسبب لبسي الخارجي».

وأضافت: مهما اسمع من كلام وشتايم مش بهتم، كلنا بنغلط ونقول ربنا يهدينا جميعا ولكن بلاش لما حد يغلط تتهمه بذنوب أكبر، أنا نزلت الفيديوهات دي لأنه أنكر زواجنا واتخلى عني واتوجعت كتير بسببه بعدما اعتبرته أبويا وجوزي وحبيبي وكل حاجة في الدنيا، أنا اتجوزته سنة وشهرين بس وأهلي كلهم يعرفوا بزواجنا وقابل والدتي وبنت خالتي طول مدة زواجنا مش أهلي كلهم، وانتقلت اعيش معاه في المعادي، وعملنا شروط الزواج كلها وهو الاشهار، وهو كان بيعلن لناس معينة عشان مراته الاولى متعرفش، وهي ست محترمة.

تابعت طليقة محمد الشقنقيري: «كنت بيكي ديما على زوجته الأولى وأحس إن ضميري يأنبني ومكنتش أتخيل في يوم إني هتجوز واحد متجوز، وكل ما كنت باخد قرار إني أبعد عنه مكنتش بقدر أكمل لاني بحبه ومازلت، ولكن فيه أوقات الواحد لازم يعصر على نفسه لمونة، وفي الآخر كل وعوده متنفذتش مكنش بيصرف عليا، يمكن طول السنة وشهرين صرف عليا 3 أو 4 آلاف جنيه وكنت بطلبهم منه كمان».

واستكملت طليقة محمد الشقنقيري: «هو أنكر الزواج ومكنش ينفع أسكت على الكلام ده ومش بتكلم دلوقتي عشان أشهر بيه ولكن عشان عندي أولاد ومينفعش يتقال إني مشيت معاه يومين، ولما هي واجهتني قبل كده قولتلها معرفش حاجة عن الموضوع ده وده هاك على السوشيال ميديا بتاعتي وناس بتحاول تبتزه وهو صديق للعائلة عادي، لكن بعدين عرفت الحقيقة».

يذكر أن الموديل رحيل ذكري كانت قد شاركت المطرب إيساف ولكن لم يتم عرضه بسبب أحد الأزمات مع المنتج، وشاركت أيضًا مع مصمم الأزياء هاني البحيري في فندق سيراميس، وحققت العديد من النجاحات، وفى عام 2018 حصلت علي شهاده تكريم من احد المحلات التجارية الشهرية، منهم bebe، دخلت عالم الازياء في سن ١٦، فى عام ٢٠٢٠.

وشاركت رحيل ذكري مؤخرًا في إعلان لـ وافل ، وكان لـ أحد المحلات بمنطقة الرحاب بعنوان «lucky»، حيث احتلت عالم الموديل من عام 2013، وحققت نجاحًا واسعًا، وأشاد بموهبتها العديد من النجوم.