قصّ الإعلامي كريم خطاب تفاصيل آخر لقاء جمعه بالفنان الراحل هشام سليم، قبل وفاته بعدة أشهر.
وكتب خطابًا منشورًا عبر حسابه الرسمي على موقع التواصل الاجتماعي “فيسبوك” قال فيه: “قابلت هشام سليم في بيته قبل رمضان اللي فات علشان أسجل معاه حلقة مدتها ١٠ دقايق و كانت أول مرة نتقابل فيها”.
وأضاف: “قابلني مقابلة حلوة بجد كأننا أصحاب من زمان، و أصر أني أفضل معاه قبل التسجيل وبعد ما خلصنا كمان، حكالي عن تفاصيل مرضه رغم أن مش ناس كتير كانت عارفة وقاللى أنه عارف أن الحكاية كلها كام شهر”.
وتابع: “حكالي حاجات كتير عن علاقته بالناس في الوسط الفني، و عن أبوه الأسطورة صالح سليم، وكان كل شوية يأكد عليا الكلام ده بيني و بينك ومش للنشر، ويضحك وحكيتله أني كنت بشوفه زمان في الجونة وأنا صغير وكنت معجب جدًا بشياكته وبتواضعه”.
ومضى يقول: “فضلنا بنحكي لمدة ساعتين أو أكثر ولما جيت أمشى قاللي أبقى اسأل عليا يا خطاب، و كنت كل فترة أكلمه أطمن عليه”.
وختم كريم خطاب قائلًا: “ورغم أني عارف تفاصيل مرضه وتعبه بس اتخضيت جدًا من الخبر .. ربنا يرحمه و يغفر له و يا رب يبقى حاسس بكمية الحب اللى أنا شايفه ده من كل الناس”.






