اللواء سمير فرج يكشف سر استغلال الرئيس السادات في خطة الخداع الاستراتيجي.. فيديو

كشف اللواء دكتور سمير فرج المفكر الاستراتيجي، سر صورة قائدة حرب أكتوبر داخل مركز العمليات حين اجتمع الرئيس الراحل محمد أنور السادات بالفريق أول أحمد إسماعيل، والفريق سعد الدين الشاذلي، واللواء الجمسي، واللواء فؤاد نصار، والعقيد أحمد نبيه.

أوضح اللواء سمير فرج خلال لقائه مع الإعلامي حمدي رزق ببرنامج «نظرة» على قناة صدى البلد، أنه كان متواجدا في في مركز عمليات حرب أكتوبر وقت التقاط هذه الصورة، في الناحية المقابلة للقادة.

مركز عمليات حرب أكتوبر

أشار المفكر الاستراتيجي، إلى أن مهمته داخل مركز العمليات كانت عبارة عن توقيع موقف الخطة على الخريطة، مبينا أن هذه الصورة تم التقاطها مرتين، الأولى في 7 أكتوبر حينما أتى السادات بالكاتب الصحفي محمد حسنين هيكل، لمراجعة الجزء السياسي في التوجيه الاستراتيجي للحرب، بينما الصورة الثانية كانت يوم 9 أكتوبر حينما اجتمع كل قادة الحرب في مركز العمليات.

سمير فرج

بيّن سمير فرج: «أحمد نبيه اتظلم وأنا حاولت لما كنت مدير الشؤون المعنوية إني أجيبه فكان رافض يتكلم، وقالي يا سمير أنا خلصت دوري في الحرب»، مضيفا: «هذا الرجل عمل خطة الخداع الإستراتيجي التعبوي، وهو عقيد ومهندس تخرج في كلية الهندسة دخل الكلية 6 أشهر، وأخذ أركان حرب وراح هيئة العمليات فرع التخطيط، وكلف بعمل خطة الخداع».

نصيحة صاحب خطة الخداع الاستراتيجي

من ناحيته، وجه اللواء أحمد نبيه، الضابط الذي وضع خطة الخداع الإستراتيجي التعبوي في حرب أكتوبر نصيحة إلى الشباب في الذكرى الـ49، قائلا: «خليكم رجالة».

تعليقا على ذلك، قال اللواء سمير فرج: «سيادة اللواء أحمد إزيك يا فندم أنا عايز أقول لك النهاردة كلنا بنشكرك باسم مصر، أنت رجل عظيم، والله كنت بقف اتفرج عليك يومها وأقول نفسي أبقى زي الرجل ده، أنت عملت خطة الخداع الإستراتيجي التعبوي وخدعت إسرائيل وأنا حاولت وأنا مدير الشؤون المعنوية 7 سنين أجيبك تتكلم وأنت كنت رافض وقلت لي أنا خلصت دوري في القوات المسلحة».

أضاف المفكر الاستراتيجي: «عايز أقول لك حقيقي، اللي عملته في خطة الخداع الاستراتيجي لما كنت تحرك القوات المسلحة كلها والوحيد اللي كنت واقف على الخريطة تناقش سعد الدين الشاذلي، أقول لك باسم القوات المسلحة إحنا بنشكرك ونحييك وربنا يعطيك الصحة وطولت العمر لأنك أعطيت مصر والجيش كتير»

سعد الدين الشاذلي

استكمل اللواء سمير فرج: «أنا عارف إنك مش بتحب تتكلم وأنا فشلت طيلة 7 سنين لما كنت مدير الشؤون المعنوية أخليك تطلع في أي برنامج، لكن على الأقل كان لازم نكلمك النهارده».

فتح باب العمرة في حرب أكتوبر

كشف المفكر الاستراتيجي، أن اللواء الجمسي رئيس هيئة عمليات حرب أكتوبر كلف اللواء أحمد نبيه، حينما كان ضابط فرع التخطيط بإعداد خطة خداع، مشيرا إلى أن الهجوم كان في 10 رمضان لكن قبلها بأسبوعين أعلن نبيه فتح باب العمرة للضباط وعائلاتهم فوصلت المعلومات إلى إسرائيل.

لفت سمير فرج، إلى أن اللواء أحمد نبيه، قرر تسريح دفعة جديدة من الجنود وقت الحرب كنوع من الخداع، وأمر جميع القوات في النسق الأول بإخراج البطاطين وفردها على الأرض لتشميسها وكذلك جلس العساكر في الشمس، بالإضافة إلى مناورات عسكرية بالقوات.

حرب أكتوبر

رسالة إلى إسرائيل

اختتم بالإشارة إلى أن اللواء أحمد نبيه قال للرئيس السادات قبل الحرب: «يا سيادة الرئيس السادات عايزين نستغلك ونستخدمك فحتى الجمسي بص له، يعني إزاي تقول كده!، لكن السادات قال له: قول، فقال: عايزين حضرتك تنقل رسالة لإسرائيل إننا مش هنحارب، فقال الرئيس: إزاي؟، ليرد نبيه: خلي المستشار بتاعك أحمد حافظ إسماعيل يقابل هنري كسنجر في قعدة غير رسمية ويقول له إحنا تعبنا ومش معانا أسلحة هجومية ومش هنحارب وطردنا الخبراء الروس وأرجوك شوف لنا حل.

اللواء سمير فرج: الحرب الروسية الأوكرانية هزت العالم.. وموسكو تفوقت على كييف في أول 6 شهور.. فيديو