المخرج يسري نصر الله ينتقد فيلم Deadpool & Wolverine الحاصل على أكثر من مليار دولار في شباك التذاكر العالمية

أبدى المخرج يسري نصر الله برأيه في فيلم الأبطال الخارقين الكاسر للأرقام القياسية Deadpool & Wolverine مشيرًا لعدم انبهاره به.

بدأ يسري نصر الله منشوره على فيسبوك بتعبيره عن حبه لأول جزئين، وقال 'اتفرجت امبارح على deadpool/wolverine.

اتضايقت جدا. الأفلام الأولى بتاعت deadpool كانت دمها خفيف ومسلية. Wolverine كان فيلم كويس جدا'.

ثم تابع يسري نصر الله شارحًا سبب مضايقة الفيلم له: 'هنا ماضحكنيش خالص التلقيح طول الوقت على انتقال الفرانشيز لديزني، وانهيار فوكس، ولا الهبل بتاع التعاقد معاهم على ٩٩ سنة، ولا ال'ح نتقابل تاني؟ - لأ ماظنش'. وكل الإيفيهات اللفظية الجنسية العيالي جدا، و'المشاعر' المعلبة. ملفت جدا طبعا فقر اللغة. شوية fuck على شوية shit على شوية ass مايعملوش قصائد خالدة إذا ماكانش اسمك ألان جينزبرج'.

فيلم Deadpool & Wolverine

وأكمل: 'فيلم ما بيحيلش لأي شيء إلا لنفسه وللشركات المنتجة له ونرجسي بشكل يضرس السنان، ومش شايف فيه أي حاجة تخليني أحس إنه بينقل عالم مارفيل لأي حتة غير حبة الطيخ والطاخ إللي انت عارف إنهم ح يخلصوا على خير طبعا بما إن الفرانشيز لازم تكمل والحمدلله wolverine ردت فيه الروح ف مش ح ندفنه تاني بقى. الكلب المقرف كان دمه خفيف'.