المطربة بوسي: ظلمت نفسي كتير وأتمنى أموت وربنا راضي عني

كشفت الفنانة بوسي، حقيقة تفكيرها في اعتزال الفن والتفرغ لأسرتها ومنزلها وأسرتها.

المطربة بوسي تتحدث عن تفكيرها في الاعتزال

قالت بوسي في تصريحات تلفزيونية: 'في أوقات بيجي على الواحد من كتر الحرب في الشغل والصعوبات في الحياة عموما والمهنة خصوصا بتبقي عايزة تسيبها مخضرة بس برجع افكر وتشوفي قد ايه تعبت وطلع عيني عقبال ما وصلت للي فيه وشقيت واستحملت حاجات كتير للوصول للنجومية'.

وتابعت بوسي، حديثها وقالت: 'في حاجات كتير لسه معملتهاش في الفن وبطلب من ربنا دائمًا خذني وأنت راضي عني، واتعودت ابقى قوية من صغري بس ممكن يكون بسبب أني ملقتش ليا ضهر اتحامى فيه من صغري ويجيب لي حقي فبقيت مقوية نفسي بنفسي، وأمي كانت كل حاجة بس في الأول والاخر هي ست لكن عمري ما ظلمت حد بل ظلمت نفسي في حاجات كتير'.

بوسي تتحدث عن بداية حياتها الفنية

أكدت المطربة بوسي، على ندمها الشديد للعمل في شارع الهرم خلال بداية حياتها الفنية.

قالت بوسي في تصريحات تلفزيونية، عن فترة بدايتها الفنية: 'مقلتش شغلي في شارع الهرم تنازل لكن ندمانة على الشغل في شارع الهرم لكن هو علمني اتعامل مع الناس وخلاني عندي خبرة في التعامل'.

واستكملت حديثها وقالت: 'بصراحة مكنتش حبه اشتغل في الاماكن دي والأماكن دي مش شبهي وشفت فيها حاجات كتير ولكن كنت عيلة صغيرة وبأكل عيش، وكنت مش عايزة استمر وكنت مجبورة على الشغل وكنت شغالة بالإكراه واضربت عشان انزل الشغل وتعرضت للإهانة، وبحمد ربنا أن ربنا لسه مخلي فيا عقل من اللي شوفته'.

تصريحات المطربة بوسي

تحدثت المطربة بوسي، عن احتياجها لطبيب نفسي وابنها وطليقها ورفضها الغناء مع شاكوش وحمو بيكا.

وقالت بوسي، في تصريحات تليفزيونية، أن طليقها لم يصرف على ابنهما نهائيا، متابعة: مش بيصرف عليه وأنا اللي متكفله به من يوم ما اتولد حتى الان.

وعن منع طليقها رؤية ابنها فقالت: مش مانعة طليقي يشوف ابنه بالقوة وهو مش بيشوفه عشان لم يسعى لده وهو بيقول للناس أني مانعاه ولكن عمري ما امنع ابني يشوف ابوه وابني مطلبش يشوف ابوه ولا أبوه طلب.

ونفت بوسي، ذهابها لطبيب نفسي قائلة: المرض النفسي زي أي مرض وكلنا جوانا حاجات محتاجة دكتور نفسي وأكيد نفسي اروح لدكتور نفسي ولكن الدكاترة قليل لما تلاقي حد تثق فيه لكن عمري ما رحت لطبيب نفسي.

وعن دويتو مع مطربي المهرجانات حسن شاكوش أو حمو بيكا، أوضحت: لو شاكوش أو بيكا عرضوا عليا اعمل دويتو مش هقبل ومش عايزة اعمل النوعية دي من الاغاني وهما شغالين بطريقة أنا مش بغنيها.

وتابعت، أن حمو بيكا وحسن شاكوش بيغنوا مهرجانات غير الغناء واللون الذي تغنيه في الأغاني الشعبية، كما أشارت إلى أنها تعتمد على نفسها منذ صغرها لعدم وجود سند لها في حياتها.

وحول حقيقة غضبها من غناء شيرين لأغنية آه يا دنيا، فقالت: مضيقتش لما شيرين غنت أغنيتي لأن نجمة كبيرة زيها تغني أغنيتي في بدايتي كانت حاجة كويسة، وانصحها تفوق وترجع لشيرين بتاعت زمان اللي كلنا عارفنها ودي نصيحة لأني بحبها.