رامي جمال يستقبل المطرب النقاش: إنتاج أغنيتين قريبا

نفذ الفنان رامي جمال وعده واستقبل المطرب أحمد سالم، الشهير بـ المطرب النقاش على مواقع التواصل الاجتماعي.

وقال جمال خال فيديو نشره على صفحته على موقع التواصل الاجتماعي «فيس بوك» يظهر فيه برفقة المطرب النقاش «أنا منورني، الفنان أحمد سالم ربنا يباركلي في عمرك، عشان الناس اللي كانت فاكرة إننا هنضيع الوقت، مفيش وقت هيضيع، أنا لسه راجع من السعودي إمبارح، بأمر الله 3 أو 4 أيام هنسمع أغاني من أهم ناس في مصر، وهنقدم أغنتين، أغنية أنا وأحمد، وأغنية ليه لوحده»، مردفا «الوعد اللي أنا وعدته مش هيمنعني عنه غير إن عمري يخلص، بطمن الناس كلها أحمد هيعمل الأغنيتين وهتستمتعوا بحلاوة صوته».

رامي جمال يستقبل المطرب النقاش

وأضاف «بقول للناس اللي عايزة أحمد في أي حاجة، أحمد مضى مع شركة إدارة أعمال، أي حد يتواصل معاه هيديله رقم الشركة، لكن أنا بالنسبة ليا مش عايز من أحمد أي حاجة،  ولا عمري همضيه على عقود احتكار ولا أي حاجة، اللي بعمله ليه بعمله عشان واضح إن ربنا كتب ليه قبول، فأنا هفرح إني أمون بنفذ التساهيل اللي ربنا كتبها لأحمد».

وكان المطرب رامي جمال قد أعلن إعجابه الشديد بصوت أحمد سالم «المطرب النقاش» بعد تداول فيديوهات له وهو يغني خلال ممارسة عمله كنقاش، ووعده بإنتاج أغنية ديو معه، وأخرى سينجل.

أخويا صوته حلو.. المطرب النقاش: المهرجانات مش سكتي ورامي جمال هينفذ وعده 

المطرب النقاش: بخاف من الغناء في الأفراح ولو حد أحرجني ما بخرجش من البيت..