انتصار: شخصية حمدية في مسلسل أعلى نسبة مشاهدة تشبهني ارهقتني لكنها تشبهني

تحدثت النجمة انتصار عن شخصية حمدية التي تقدمها في مسلسل أعلى نشبة مشاهدة، الذي يشارك في موسم مسلسلات رمضان وأشارت إلى أن الشخصية أرهقتها كثيرا.

انتصار في مسلسل أعلى نسبة مشاهدة

قالت انتصار في تصريحات تلفزيونية: 'شخصية حمدية أرهقتني جدا، هي أم مكنتش قادرة على أولادها يومها صعب وايقاع الحياة صعب، الحياة الواقعية صعبة، انك تقومي بيت وتربي أسرة وتطلعي عيال أسوياء مش سهل'.

انتصار

وأضافت انتصار: 'فيا كتير من حمدية يمكن 70% وأنا بمثلها عشتها كلها على بعضها، بقيت معاها هي طول الوقت، وفيها مني في جزء الأم طول الوقت كنت بتخيل بنتي وابني ربنا ما يوري حد ولا يفجع أم في بنتها ولا ابنها'.

تصريحات انتصار

واستكملت انتصار حديثها، قائلة: 'ده دور الفن الواقع بنطلعه على الشاشة الجمهور يشوف إيه الإشارات اللي أدت للي حصل وكل واحد ياخد باله من حياته'.

وأضافت: 'أنا عجبني المسلسل ده وكنت مهتمة إني أقدمه لأنه في رسالة، كنت حاسه أنه مهم للناس وحاسه إن فيه ثواب، وفي جمل من عندي أنا حطيتها كأم لأني عارفة في المواقف دي الأم هتقول إيه، ضفت كلام كتير في المشاهد ما بيني وبين بنتي وبيني وبين جوزي'.