انتصار: لما بتفرج على نفسي في «إش إش» بتخض

كشفت الفنانة انتصار تفاصيل مشاركتها ضمن موسم مسلسلات رمضان 2025، بمسلسل إش إش مع الفنانة مي عمر، ومسلسل 80 باكو مع الفنانة هدى المفتي.

قالت انتصار عبر تصريحات تلفزيونية: «إحنا واخدين وجهة نظر عن الرقاصات أنهم طول الوقت لابسين بدلة الرقص وبيرقصوا ليل نهار، الرقاصات بني آدمين عندهم مشاكلهم».

انتصار مسلسل إش إش

وتابعت: «وفيه رقاصات درجة ثالثة وفيه VIP زي الدكتور الشاطر ودكتور تاني لأ، هما عايشين معاناة غير عادية لأنها مهنة صعبة ومؤذية».

وعن ظهورها بدون مكياج، علقت انتصار قائلة: «اللي أنا بعمله ده أنا مستغرباه، دي جرأة زيادة ولازم اللي يعمل كده يكون عنده ثقة بالنفس أنه مش فارق معاه وينسى نفسه ويحط نفسه في الشخصية».

تصريحات انتصار

واختتمت: «أنا لما بتفرج على نفسي بتخض، أنا بحب شغلي أكتر من نفسي، أما مسلسل 80 باكو كان واقعي أوي علشان كده نجح، وإحنا كنا في حيرة إذا كان ننقل الواقع اللي بيحصل بالظبط وبيتقال فيه أكتر من اللي ظهر، وبين أننا نلم الدنيا عشان هيتعرض في التلفزيون، ولكن النص الحقيقي كان في ألفاظ أكتر من اللي اتعرضت في المسلسل».