باسم مرسي: جمهور الأهلي مبيحبنيش عشان بعلم عليه

رد باسم مرسي لاعب الإسماعيلي الحالي والزمالك سابقا على كونه لاعب الموسم الواحد مشددا على أنه أظهر تألقه في الزمالك على مدار 3 سنوات.

قال باسم مرسي في تصريحات إذاعية: «لعبت 4 سنين في الزمالك 3 منهم أنا هداف الزمالك في كل البطولات، ازاي أبقى لاعب موسم واحد بس؟ أنا جايب 53 جول مع الزمالك، وده رقم كبير، والسنة الرابعة بس هي السنة الوحيدة اللي أنا كنت وحش فيها بسبب الإصابة».

وعن استفزاز جماهير الأهلي خلال فترة وجوده بالزمالك قال باسم مرسي: «بعض جماهير الأهلي مبيحبنيش عشان أنا دايما بجيب فيهم أجوال محدش بيكره واحد فاشل ومحدش بيكره حد ملوش قيمة، بالبلدي كدة باسم ده بيعلم علينا على طول هو جمهور الأهلي كدة، جبت أجوال كتيرة فيه وجبت بطولات منه».

واختتم: «لاعيبة الأهلي زيها زي أي لاعيبة والنادي الأهلي زي أي نادي، أنا مبعملش حساب لتيشيرت الأهلي، لاعيبة الأهلي عادية جدا، لكن تيشيرت الأهلي بيمنحه طاقة لكنه لاعب عادي جدا».