نشرت دار الإفتاء المصرية تفاصيل قيمة زكاة الفطر 2024 بلغة عامية بسيطة وسهلة.
قيمة زكاة الفطر 2024
وعبرت دار الإفتاء المصرية عن رأيها على صفحتها الرسمية بمنصة التواصل الاجتماعي فيسبوك، مشيرة إلى أن القمح يُعد نوعًا من الأنواع المشمولة بزكاة الفطر، والتي ذكرها النبي صلى الله عليه وسلم في سنته، كما أنه يشكل جزءًا كبيرًا من غذاء المصريين حيث يُستخدم في صناعة الخبز، الذي يعتبر وجبة أساسية، ويُستخدم أيضًا في صناعة العديد من الأطعمة الأخرى.
وتابعت دار الإفتاء: «طيب سعر أردب القمح كام السنة دي 2000 جنيه مصري من أحسن الأنواع، وأردب القمح فيه 150 كيلو
يبقى سعر الكيلو كام 13.33 ثلاثة عشر جنيه وثلاثة وثلاثون قرشًا تقريبًا، طيب وزكاة الفطر أد ايه في القمح ( 2.04 كيلو)، يبقى نضرب 2.٠4 كيلو * 13.33 ، يطلع الناتج 27.19 جنيه مصري».
الحد الأدنى لزكاة الفطر 2024
وقالت دار الإفتاء المصرية إن 35 جنيها زيادة عن الحد الأدنى و35 جنيه الحد الأدنى (يعني طلع أكتر من 35 جنيه لو معاك ودخلك يسمح لك)، منوهة: اللى مش هيقدر فأقل حاجه يطلعها عن الفرد 35 جنيه، واللي شايف إن 35 جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن 35 جنيه ولا تلزم غيرك يطلع زيك لأن ممكن يكون غير قادر.
واختتمت دار الإفتاء: كمان تقدر تطلعها -زكاة الفطر- فلوس لا تشتر بها شيء؛ لأن بعض الناس مفكره إن نأخذ الفلوس نشتري بها أرز مثلا، لا طلعها فلوس وربنا يتقبل منك، وكمان يجوز إخراجها من أول رمضان لحد قبل صلاة العيد، ولو ما عرفتش فلا مانع إنك تطلعها يوم العيد لحد غروب الشمس ودا على مذهب الشافعية ومن وافقهم.
