«بتاكل خفيف وتتألم جامد».. تفاصيل جديدة في حالة أنغام بعد سفرها للعلاج في الخارج

كشف الإعلامي محمود سعد تطورات حالة الفنانة أنغام، بعد سفرها للعلاج في الخارج.
قال محمود سعد في فيديو لايف عبر حسابه الرسمي بموقع فيس بوك: «تواصلت مع أنغام اليوم وحدث بيننا حديث مطول وقالتلي حب الناس ده أهم حاجة عندي وعايزة أطمن كل الناس عليا أنا الحمد لله بخير ولكن كل الموضوع أن أنا بعاني من وجود كيس على البنكرياس ووجدت مستشفى متخصصة في البنكرياس بألمانيا».
تفاصيل حالة أنغام وسبب سفرها للعلاج
وتابع حديثه : «وقالت لي الحمد لله الأطباء أخبروني أنه حميد، وليس خبيث وتم إزالة جزء كبير منه بمنظار من الفم ولم يتبقى إلا حاجة بسيطة، وهخرج من المستشفى بكرة أو بعده بالكثير».وأضاف الإعلامي محمود سعد: «وتابعت من الممكن أن أتابع حالتي الصحية في مصر وسأعود لجمهوري قريبًا».
تطورات حالة أنغام الصحية
واستكمل: «هي دلوقتى بتاكل خفيف أوى وبتتألم جامد جدًا وعلشان كدا عايزكم تدعولها وستخرج من المستشفى بكرة أو بعده».وكتب محمود سعد في منشور: «تفاصيل الحالة الصحية لأنغام.. من قبل ما أنغام تسافر هي قالت إن عندها كيس على البنكرياس.. قالولها إن فيه مستشفى متخصصة في ميونخ (ألمانيا) متخصصة في البنكرياس.. هناك عملت منظار دخل من الفم وشال أغلب الكيس وعملوا التحاليل اللازمة وطلع حميد الحمدلله.. هي الحمدلله كويسة وبتتحرك وبتاكل وهتخرج بكرة او بعده إن شاء الله».
واختتم الإعلامي: «اللي فاضل من الكيس جزء بسيط مش لازم يتشال وهتتابعه لما ترجع مصر إن شاء الله علشان تتأكد إنه مش هيكبر وإن شاء الله المتوقع أنه يفضل مستقر.. هي الحمد لله بخير وكل اللي بتعاني منه في الوقت الحالي هو الألم.. فدعواتكم إن ربنا يخفف عنها ويتم شفاها على خير إن شاء الله».