بدرية طلبة تكشف سر خضوعها لعمليات تجميل: معنديش شفايف

كشفت الفنانة بدرية طلبة سر اتجاهها لعمليات التجميل، وأهمية الجمال والاهتمام بالمظهر بالنسبة لها.

قالت بدرية طلبة عبر تصريحات تلفزيونية: «عملت حقن البوتوكس، عشان عندي خطوط لأني واحدة عندها 56 سنة، يعني أنا مكرمشة كرمشات ما يعلم بيها إلا ربنا، والفلوس حلوة بتعمل شفايف. وأنا بروح للغالي.. أنا معنديش شفايف، وأنا حاليًا عاملة شفايف».

سر خضوع بدرية طلبة لعمليات تجميل

واستكملت: «روحت للدكتورة قولتلها عايزة شفايف ومناخيري صغنونة وحلوة وكل حاجة فيا تمام، إلا الشفايف بقا»، لافتة إلى أن أكثر شئ يسعدها هو شراء الذهب.

وأضافت بدرية طلبة: «أكتر حاجة بتفوق البني آدم هي الفلوس، وأنا بحب دايمًا أشتري ذهب مهما كان سعره.. الفلوس حلوة بتعمل شفايف، أنا عاملة فيلر في شفايفي، عشان الأول كان نفسي أحط روج زي باقي الناس ويبان».

أحدث أعمال بدرية طلبة

وفيما يخص أحدث أعمال بدرية طلبة، مشاركتها ضمن موسم دراما رمضان 2025 المقبل، بمسلسل وتقابل حبيب مع الفنانة ياسمين عبدالعزيز والفنان كريم فهمي وآخرين.

بدرية طلبة