بدرية طلبة تكشف عمرها الحقيقي.. وانتصار: بدأت تظهر وهي عندها 50 سنة

كشفت الفنانة بدرية طلبة عمرها الحقيقي، موضحة أنها لا تخجل من الكشف عن سنها، بجانب حديثها عن تكرار تعاونها مع الفنانة انتصار.

عمر بدرية طلبة الحقيقي

قالت بدرية طلبة في برنامجها التلفزيوني: «أنا عندي 55 سنة وعادي بقول سني في كل حتة ومش فارق معايا»، بينما علقت الفنانة انتصار ومازحتها قائلة: «بدرية طلبة بدأت تظهر وهي عندها 50 سنة».

وتابعت: «علشان كده مش مستوعبة أن واحدة تبدأ وهي عندها 13 سنة زي إيناس النجار.. وبدرية عندها 75 وبتقول 55».

بدرية طلبة وانتصار

انتصار وبدرية طلبة

لتعلق بدرية طلبة قائلة: «ياريت يارب أعيشهم.. كل ما أروح شغلانة ألاقي انتصار معايا، أقولهم ليه كده؟، واشتغلت مع إيناس النجار في فيلم كلبي دليلي ولكن هي نسيت بحكم السن».

وفي سياق آخر، كانت قد ردت الفنانة بدرية طلبة على اتهامات خضوعها لعميات تجميل وتغيير شكلها، وذلك من خلال مجموعة صور وفيديوهات من أعمالها والكواليس.

حقيقة عمليات تجميل بدرية طلبة

كتبت بدرية طلبة عبر حسابها الرسمي بموقع فيس بوك: «دي صور من أعمالي قبل رمضان وفي رمضان علشان اللي بيقول عمليات التجميل خلتني واحدة تانية مش أنا.. وأتخضت لما شافتني في مسلسل الأجهر ورمضان كريم حاطة ميكب أوڤر وإني بعمل تجميل علشان أبقي حلوة».

وتابعت قائلة: «يمكن اعمل دور هانم ومش هيليق عليا علشان أنا شكلي وصوتي شعبي!.. لمصلحة مين الهري دا طب علقي على دور وحش عملته!! طب قولي حاجة أنا غلطت فيها دا لو أنت ناقد يعنى ولك الحق لكن الصور اللي أنت حاطتها دي فعلا من مسلسل خليجي ومن ضيفة في برنامج في السعودية».

وأضافت الفنانة بدرية طلبة في رسالتها لشخص مجهول: «وصورة من مسرحية في السعودية ميكب خليجي وكمان فيه حاجة اسمها تجميل بالميكب وفيه حاجة اسمها فلاتر العالم كله بيستخدمها يتصور بيها!! دانا بطلع في أي برنامج أقول اه عامله بس مش بالأڤورة اللي بتتكلمى عنها وبتتريقي وبتتنمري بيها عليا».

بدرية طلبة

تصريحات انتصار