بدرية طلبة تنفعل وترد على اتهامات خضوعها لعمليات التجميل: ملكة الكوميديا غصب عنك

ياسمين حمادة 10 يونية 2023 | 04:52 مساءً

ردت الفنانة بدرية طلبة على اتهامات خضوعها لعميات تجميل وتغيير شكلها، وذلك من خلال مجموعة صور وفيديوهات من أعمالها والكواليس.

حقيقة خضوع بدرية طلبة لعمليات تجميل

كتبت بدرية طلبة عبر حسابها الرسمي بموقع فيس بوك: «دي صور من أعمالي قبل رمضان وفي رمضان علشان اللي بيقول عمليات التجميل خلتني واحدة تانية مش أنا.. وأتخضت لما شافتني في مسلسل الأجهر ورمضان كريم حاطة ميكب أوڤر وإني بعمل تجميل علشان أبقي حلوة».

وتابعت قائلة: «يمكن اعمل دور هانم ومش هيليق عليا علشان أنا شكلي وصوتي شعبي!.. لمصلحة مين الهري دا طب علقي على دور وحش عملته!! طب قولي حاجة أنا غلطت فيها دا لو أنت ناقد يعنى ولك الحق لكن الصور اللي أنت حاطتها دي فعلا من مسلسل خليجي ومن ضيفة في برنامج في السعودية».

حقيقة خضوع بدرية طلبة لعمليات تجميل

بدرية طلبة توجه رسالة لشخص مجهول

وأضافت الفنانة بدرية طلبة في رسالتها لشخص مجهول: «وصورة من مسرحية في السعودية ميكب خليجي وكمان فيه حاجة اسمها تجميل بالميكب وفيه حاجة اسمها فلاتر العالم كله بيستخدمها يتصور بيها!! دانا بطلع في أي برنامج أقول اه عامله بس مش بالأڤورة اللي بتتكلمى عنها وبتتريقي وبتتنمري بيها عليا».

وقالت أيضًا: «وتألف حاجات لدرجة إن المتابعين هجموك إلا طبعًا كام واحدة من متابعينك اللي شبهك ياحلوة.. إهدي على نفسك اللي بيته من إزاز ميحدفش الناس بالطوب ولا إيه؟؟ يا أهبل اللي عايزة تحلي نفسها مش حتطلع تقول سنها وتحكى على أحفادها وتعمل أدوار زي اللي بعملها».

واختتمت قائلة: «أنا بعمل اللي أحافظ بيه على شكلى وعلى نفسي ودا الست العادية بقت تعمله والشعبية اللي مش عجباك شرف ليا إني معجبش واحد زيك برشوط على أي عشا وعلى أي سهراية وعلى أي صورة مع فنان تتفشخر بيها وكمان شوف بقي حاجة تانيه قولها علشان أنا لسه زي مانا العالم كله بيحبني ومحدش أخد ولا يقدر ياخد مكاني.. بدرية طلبة ملكة الكوميديا في مصر والوطن العربي غصب عنك».

بدرية طلبة