بدرية طلبة حصلت على دور ممثلة في فيلم أبو شنب.. من هي؟

تحدثت الفنانة بدرية طلبة عن كواليس أشهر الأعمال التي قدمتها برفقة النجمة ياسمين عبدالعزيز وذلك في فيلم أبو شنب، الذي عُرض عام 2016 لأول مرة.

بدرية طلبة ونسرين أمين

قالت بدرية طلبة في تصريحات تلفزيونية، إن الدور لم يكن مكتوبًا لها، وكان من نصيب الفنانة نسرين أمين، لكن بشكل مفاجئ طلب منها المنتج أحمد السبكي تقديم الدور.

واستكملت بدرية طلبة حديثها، وقالت: 'مشهد وأنا بعلم ياسمين الانحراف ده كان دور مش بتاعي، كان دوري ضابطة مع ياسمين في القسم، وكانت نسرين أمين هتعمل الدور'.

تصريحات بدرية طلبة

وتابعت: 'قبل التصوير لقيت الحاج أحمد السبكي غير الدور، ورحت مش محضرة حاجة وتايهة، لكن ياسمين عارفة مفاتيحي وسألتني هقول إيه، ياسمين خدتني الكرافان وقالت هاتوا ورقة وقلم، وكانت أول مرة أكتب حاجة قبل ما أصورها، واضطريت أكتب حاجة فيها سجع'.

واختتمت حديثها، وقالت: 'كنت تعبانة نفسيا وأنا على المسرح من التنمر، لكن كنت جامدة وعارفة إن عندي حاجة أقوى من شكلي هي إني ممثلة جامدة، عملت عملية وعمري 28 سنة ومخلفة البنتين، ورجعت عافيتي بعد مرور 10 سنين، وبدأ جسمي ووشي يرجعوا زي زمان'.