بسبب الصيام.. غادة عبد الرازق ترد على الهجوم وانتقادات مسلسل تلت التلاتة

ياسمين حمادة 12 ابريل 2023 | 02:31 مساءً

ردت الفنانة غادة عبد الرازق على الانتقادات والهجوم الذي تعرضت له بسبب تصريحاتها الخاصة بعدم الصيام في رمضان، قائلة: «قلت ساعات».

تصريحات غادة عبد الرازق

قالت غادة عبد الرازق في تصريحات تلفزيونية لها: «لو طبقت في التصوير يومين أو ثلاثة ورا بعض مقدرش أصوم فيهم لأني باخد أدوية، سابوا كل اللي قلته وكتبوا إنها مبتصومش في رمضان لما بتشتغل».

وفيما يخص انتقادات مسلسل تلت التلاتة ، واتهام صناعه باقتباس الفكرة، علقت قائلة: «الشجرة المثمرة بيحدفوها بالطوب».

غادة عبد الرازق مسلسل تلت التلاتة

وتحدثت عن مسلسل تلت التلاتة قائلة: «اللي شدني فيه إنه مكتوب حلو أوي وفكرة الثلاث شخصيات التوأم حمستني، لأن كان اتعرض عليا كتير زمان إني أجسد فكرة التوأم بس كانوا بيبقوا اتنين بس فكنت بشوفها مستهلكة أوي وتمسكت إن الـ3 التوأم يبقوا شبه بعض شكلًا في كل حاجة».

واستكملت الفنانة غادة عبد الرازق: «وأنا شوفت ده في الحقيقة إن يكون توأم نسخة من بعض في الشكل والتعامل، وحسيت إن منطقة التشويق دي شبهي لأني نجحت فيها زمان الحمد لله وشدني إن الدور فيه تحدي إني أعمل 3 شخصيات توأم نسخة من بعض خارجيًا، لكن مختلفين تمامًا داخليًا».

واختتمت: «ده كان تحدي لـ غادة عبد الرازق إني ألعب 3 شخصيات، ومن ضمن صعوباته إن في المشاهد اللي بتجمع الشخصيات دي مع بعض ببقى واقفة بمثل ومفيش حد قدامي وببقى شبه المجانين قدام فريق العمل».

غادة عبد الرازق

غادة عبد الرازق والصيام

كانت قد أثارت الفنانة غادة عبد الرازق الجدل الساعات الماضية، عقب تصريحاتها الصادمة التي آدلت بها، ومنها عدم صيامها شهر رمضان إذا كانت في التصوير.

حلت غادة عبد الرازق ضيفة على برنامج سبوت لايت المذاع على قناة صدى البلد، والذي تقدمه الإعلامية شيرين سليمان، وفيما يلي نرصد 10 تصريحات صادمة من غادة في الحلقة.

لا أربط خلافاتي الشخصية مع النجوم، بأشخاص أخرين، لذا علاقاتي مع ليلى أحمد زاهر علاقة ممتازة، ولم يتم استبعادها من مسلسل تلت التلاتة.

ليلى أحمد زاهر كانت مرشحة للدور في مسلسل تلت التلاتة، وحتى رغم الخلافات مع أحمد زاهر، ليلى ستكون الفتاة المرشحة للدور وفي مسلسل تلت التلاتة.

لو ربنا كرمني بحاجة كويسة بنزل شغل في رمضان، ومفيش حاجة اسمها عمود من أعمدة رمضان، ومينفعش أنزل كعبء على الناس، ليه أعمل في نفسي كدا.

أقوم في رمضان بتصوير الأعمال ولا أصوم لأني لا أستطيع بسبب الأدوية ومناعتي ضعيفة، وممكن اشتغل من 7 الصبح لـ3 الصبح، كنت ممكن أعمل ده لما كنت صغيرة، وبصوم لما مش بيكون عندي تصوير، وبعمل زي كل الناس اللي في كل بيت مصري.

أسرار غادة عبد الرازق

بحاول لما برجع بيتي 4 ونصف الصبح اتفرح على التلفزيون، وزمان كنت بحب أتفرج على فوزاير نيللي وشريهان، ودول من أسباب حبي للشهرة في التمثيل، مش أمثل بس، وبحب أقلد نيللي وشريهان.

بظهر بثلاث شخصيات مختلفة في مسلسل تلت التلاتة، والأمر ده أثر على نفستي.

مسلسل تلت التلاتة، وكان مفروض يكون 30 حلقة، لكن بعد الخلافات وعدم الاتفاق تم إيقاف العمل، ولكن بعد التواصل والاتفاق مع فريق العمل، تم الموافقة على عرض تلت التلاتة في سيزون رمضان 2023، بـ15 حلقة فقط والمسلسل هيكون إضافة جديدة لكل المشاركين في المسلسل، كان أن احداثه ستكون مختلفة عن باقي الأعمال التي قدموها خلال الفترة الماضية.