بسبب المشاهد الجريئة.. إيناس مكي تتحدث عن رفضها المشاركة في فيلم مع حنان ترك

تحدثت الفنانة إيناس مكي سر رفضها المشاركة في فيلم مواطن ومخبر وحرامي، بسبب 8 مشاهد جريئة مع الفنان خالد أبو النجا.

تصريحات إيناس مكي

قالت إيناس مكي في تصريحات تلفزيونية لها: «كنت بطلة في فيلم مواطن ومخبر وحرامي مع حنان ترك والتي تم استبدالها بالفنانة هند صبري، وصورنا بروفات لمدة شهرين».

وتابعت: «لكني رفضت في النهاية تصوير 8 مشاهد حميمية وجريئة مع خالد أبو النجا، هي بنت متحررة، وبتحب تخوض تجربة إقامة العلاقة مع كل المستويات، ومنهم شعبان عبد الرحيم والبوي فريند بتاعها خالد أبو النجا».

إيناس مكي

إيناس مكي فيلم مواطن ومخبر وحرامي

واستكملت إيناس مكي قائلة: «الفيلم كان سيناريو وحوار المخرج دواود عبد السيد، وكان لي 32 مشهد دور بطولة وكان سيصبح فارق معي سينمائيًا، ولكن رفضته في النهاية بسبب مشاهده الجريئة».

وقالت أيضًا: «تواصلت مع داوود عبد السيد وقلت له: عرفني إزاي هعمل المشاهد الحميمية الصعبة؟!، إزاي لأنهم مكتوبين بشكل أوفر جدًا، وأنا مش هعرف أصور المشاهد دي، فقول لي هنصورها إزاي من غير ما نخل بالمعنى؟! وقتها بصلي بصة صعبة وراح الفيلم، وأنا ضد تصنيف السينما النظيفة لإنه مستفز زي اللى يقول دي ترابيزة نضيفة».

واختتمت إيناس مكي: «ودي ترابيزة مش نضيفة، ولكن أنا مع منطق نخدَّم على الدور كما يجب، مش لازم نعمل مشاهد تخلينا نتحرج ونتكسف من ولادنا وبناتنا واحنا بنتفرج عليها، وبعدين الكاميرا قادرة تتحكم في المشاهد من زوايا التصوير».

إيناس مكي

إيناس مكي