بسبب «صابر».. عمرو حسن يتهم مسلم بسرقة كلمات أغنيته الجديدة
![صور](https://i0.wp.com/cdn.elbaladtv.net/wp-content/uploads/2024/07/مسلم-وعمرو-حسن.jpg?resize=250,150&ssl=1)
اتهم الشاعر عمرو حسن، مؤدي المهرجانات مسلم بسرقة كلمات قصيدته «حبيتك ليه»، في أغنية «صابر».
وكتب عمرو حسن في منشور عبر حسابه الرسمي بموقع فيس بوك: «مساء الخير فيه مغني مهرجانات فاضل اسمه مسلم، عامل أغنيه اسمها صابر».
اتهام عمرو حسن لـ مسلم
وتابع: «بيقول فيها: (وبدال ما تكوني أمان من الناس ومكان يفضالي ويسمعني، قررتي تكوني زيادة خوف ودراعي اللي تملّي واجعني».واختتم الشاعر عمرو حسن اتهامه لمؤدي المهرجانات مسلم، قائلًا: «فأنا عاوزه بس يقولي: كيلو توارد الخواطر بكام؟».
عمرو حسن ومسلم
فسخ خطوبة مسلم
وفي وقت سابق، أعلن مؤدي المهرجانات مسلم فسخ خطوبته للمرة الثانية، بعد حوالي 6 أشهر من الخطوبة التي تمت في فبراير 2024.كتب مسلم عبر خاصية الستوري التابعة لحسابه الرسمي بموقع انستجرام: «محتاج أقول حاجة يمكن مش هتكون مهمة للناس دلوقتي لأن حاسس أن الناس زهقت من الموضوع ده».
وتابع: «بس حبيت أوضح علشان أكون رضيت ضميري قدام ربنا.. تم فسخ خطوبتي من يارا تامر وأتمنى لي حياة جميلة ونجاح واستمرار لأن حاولنا كتير».
واستكمل مسلم: «وأنا خسرت كتير من حياتي ووقتي قصاد التجربة دي، وفشلت والحمدلله بحمد ربنا إنه بيّن لي كل حاجة تخليني أبقى في حالي وأبعد».
واختتم: «وأسف لنفسي مرة تانية والمرة دي بجد تعلمت الدرس.. شكرًا المرة دي اتقفل الموضوع نهائي».
الشاعر عمرو حسن