بسبب والدته.. حسام داغر يشارك في تريند صور الذكاء الاصطناعي برسالة مؤثرة

شارك الفنان حسام داغر في تريند الصور بالذكاء الاصطناعي، بصورة مع والدته الراحلة واستعاد ذكرياتهما.

نشر حسام داغر صورته مع والدته بالذكاء الاصطناعي، عبر حسابه الرسمي بموقع فيس بوك، معلقًا: «وحشتيني قوي يا ماما.. وحشتيني قوي.. لما لقيت التاس بتعمل الصور بالبرنامج ده قلت فرصة كويسة نتصور كإننا اتصورنا صورة جديدة سوا».

رسالة حسام داغر لوالدته

وتابع: «ليه ميخترعوش برنامج أدخل فيه الفويسات بتاعتك على الواتس اب وماسنجر وإنتي بتصبحي عليا وتقوليلي صباح الخيرات يا حبييي أو صباح الخير يا قمر الحلويين زي ما كنتي مسمياني على أغنية فيروز والبرنامج ده ياخد بصمة صوتك ولما أفتحه يرد عليا ويتكلم عادي زي شات جي بي تي ده على الأقل هسمع صوتك كتير ولو عندي سؤال هسأله».

واستكمل حسام داغر: «ويرد عليا كأنه إنتي أو يبقى نفس تفكيرك وردودك بدل ما أنا بدور عليكي في كل أمهات صحابي.. لما قلت لصحابي على فكرة البرنامج ده قالولي متفكرش كده وادعيلها بس».

تصريحات حسام داغر

وأضاف: «بس برجع أقول يا ريت أرجع يوم واحد نتكلم فيه سوا تاني واحكيلك اللي بيحصلي وآخد رأيك.. أنا حتى وأنا بكتب الكلام ده دموعي بتخوني تاني ونازلة على وشي.. الله يرحمك يا حبييتي.. الله يرحمك يا أمي».