بسمة بوسيل بعد الطلاق: دلوقتي عندي حرية أقرر لنفسي اللي يبسطني

تحدثت الفنانة بسمة بوسيل عن الأشياء التي تفعلها هذه الفترة عقب انفصالها عن زوجها الفنان تامر حسني بشكل رسمي، مشيرة إلى أنها اصبحت حرة.

بسمة بوسيل تتحدث عن هواياتها

قالت بسمة بوسيل في تصريحات تلفزيونية: 'اللي جد على حياتي إني رجعت أعمل الهوايات بتاعتي اللي بحبها وبالنسبة لي الغنا كان أكتر حاجة بتخليني أخرج برة الروتين'.

وتابعت: 'دلوقتي بقيت بعمل دا بقيت بغني زي زمان وموهبة الغنا كانت عندي لكن مقررتش أحولها لاحتراف علشان كنت عايزة استمتع بالموضوع'.

بسمة بوسيل

واستكملت بسمة بوسيل حديثها، قائلة: 'دلوقتي بقى عندي حرية أكتر أقرر لنفسي اللي يبسطني، لكن مظنش هعمل ألبوم مع شركة منتجة لإن شغلي واخد كل وقتي'.

بسمة بوسيل وطلاقها من تامر حسني

وعلى جانب أخر حرصت الفنانة بسمة بوسيل بالحفاظ على علاقتها بالفنان تامر حسني بعد طلاقهما بشكل رسمي، حيث أكدت أن علاقتهما تحسنت بعد الطلاق بشكل أكبر.

قالت بسمة بوسيل في تصريحات تلفزيونية: 'الطلاق أصعب قرار صعب أوي أنك تبني حاجات على مدى سنين وفجأة تشوف أنها لازم تتهد'.

وتابعت بسمة بوسيل حديثها عن الطلاق من تامر حسني، وقالت: 'معنديش شيء تاني أصعب من كدا والطلاق بيبقى صعب جدا خاصة لو فيه ولاد'.

تامر حسني وبسمة بوسيل1

تصريحات بسمة بوسيل

واستكملت بسمة بوسيل حديثها، وقالت:' أنا وتامر علاقتنا كويسة جدا مع بعض والعلاقة بتاعتنا أصبحت أفضل بكثير وإحنا بنحاول ندي أحسن ما عندنا لأولادنا ومش بالضروري منكملش كزوجين منباقش أصدقاء'.

واختتمت  بسمة بوسيل، حديثها وقالت أنها تحرص على أن تستشير ابناءها في العديد من المشاكل التي تمر بها، وذلك كي يتعلموا من تجارب الحياة.