بسمة بوسيل: تامر حسني أب مثالي وبيعشق أولاده.. إحنا عيلة متجمعين

كشفت الفنانة بسمة بوسيل سر نجاح علاقتها بطليقها الفنان تامر حسني مشيرة إلى أنهما اتفقا على أن يظل الود بينهما من أجل الصحة النفسية لأبناءهم.

بسمة بوسيل تتحدث عن طليقها

قالت بسمة بوسيل في تصريحات تلفزيونية أنها انفصلت عن تامر حسني بشكل حضاري وحرصا على أن يحافظان على علاقتهما من أجل أولادهما.

بسمة بوسيل وأسرتها

وتابعت: 'اتفقنا أن نجتمع في المناسبات وأول يوم في رمضان ده يوم كبير عندنا لازم نتجمع وولادنا يحسوا بالدفى، حتى لو اطلقنا احنا لسه بنحافظ على أولادنا هما ملهمش ذنب في اختياراتنا'.

واستكملت بسمة بوسيل حديثها، وقالت: 'أهم حاجة عندنا الصحة النفسية بتاعة ولادنا إحنا مش بنمثل إحنا عيلة متجمعين'.

تامر حسني وبسمة بوسيل

تصريحات بسمة بوسيل

وأضافت بسمة بوسيل: 'رغم الطلاق الحياة في البيت عند تامر زي البيت عندي وبروح وقت ما أنا عايزة وهو بيجي وقت ما هو عايز، إحنا ربنا كتب علينا ده بس في نفس الوقت مش عايزين نخلي أولادنا ضحية'.

واختتمت بسمة بوسيل حديثها، قائلة: 'أنا وتامر بنحافظ على أن في ما بينا حب لأولادنا ولبعض وعندنا احترام لبعض وبالنسبة لينا العيلة هي رقم 1 ولو محاولتيش تخلي علاقتك بطليقك كويسة عشان ولادكم فأنتي مش أم كويسة، بصراحة تامر سباق أكتر مني وأنا محظوظة هو أب مثالي وبيعشق أولاده'.