بسمة بوسيل تطرح أغنيتها الجديدة «لأ ثواني».. فيديو

طرحت الفنانة بسمة بوسيل، أغنيتها الجديدة «لأ ثواني»، على طريقة الـ Lyric Video، عبر قناتها الرسمية بموقع يوتيوب، بالإضافة إلى عدد من منصات الإستماع الموسيقية الرقمية.

أغنية «لأ ثواني»، من كلمات عليم، ألحان محمد خلف، توزيع محمد العشي، مكس وماستر مصطفى رؤوف.

كلمات أغنية لأ ثواني:

لأ ثوانى .. كل دا ومش شايف انّى معاك بعانى ؟!

كنت ممكن اقولّك ايه ؟.. ولّا ليه ؟

ما انت ماتحطّتش مرّه فيوم مكانى

انتظارك .. وانّى استنّى انّى اسمع اعتذارك

كان ف منتهى الغباء .. إبتلاء

حُطّ انّى فوقت منّه ف اعتبارك

أيوا بعلن انسحابى من انتمائى للى باقى

من مشاعرى ف يوم تجاهك

أيوا مش فارق معايا تكون معايا

مش هقضّى عمرى أشدّ ف انتباهك

لازم ابدأ انّى انسى حاجه حاجه وكل حاجه

كانت بتاخد من أمانى

كل ما ابعد عن حياتك كل ما انسى ذكرياتك

كل ما رجعلى اتّزانى

انتصاره .. إنّه ينساك قلبى بيه رَدّ اعتباره

آه ضِعِف طبعاً ف يوم .. ع العموم

هوّه قِوِى دلوقتى بقا سيّد قراره

لأ حذارى .. لو هتيجى تقولّى نرجع مش هدارى

انسى موضوع السماح .. مش مُتاح

وانّى افكّر فيه ف دا قرارى انتحارى