بسمة وهبة: زوجة حسن شاكوش مكذبتش وأنا هبرأها

ياسمين حمادة 16 مايو 2023 | 04:38 مساءً

علقت الإعلامية بسمة وهبة على أزمة حسن شاكوش وزوجته ريم طارق، حيث برأت ريم من تصريحات زوجها الأخيرة، عن عدم علمه بزواجها السابق.

بسمة وهبة وزوجة حسن شاكوش

قالت بسمة وهبة في تصريحات تلفزيونية لها: «في كلام بيدين ريم وأنا هبرأها منه، بيتقال إنها كذبت في إنها كانت متزوجة قبل حسن، لأ ريم مكذبتش».

وتابعت: «وهي قاعدة معايا في برنامج العرافة، لما هاجمتها وقولتلها إنتي ليه سجدتي شكر لله في الفرح، وده كدة شو، قالتلي لأ مش شو أنا كنت سعيدة، وقالتلي أنا حسيت إن ربنا رزقني بحاجة بيعوضني بيها عن تجربة سابقة عانيت فيها».

بسمة وهبة تعلق على أزمة حسن شاكوش وزوجته

تصريحات بسمة وهبة

وتابعت: «طبيعي إن التجربة اللي هي تقصدها دي كانت تجربة زواج، والناس قالت إن حلقة شاكوش وريم طارق فيها خراب بيوت، وأنا فعلًا قولتلهم في الحلقة اللي بيقولوا شيخ العرافين ده خراب بيوت، وفي حاجات كمان اتشالت في المونتاج واتخانقت مع شيخ العرافين وقولتله أنت كدة بتخرب والناس بتهاجمني أنا».

وقالت الإعلامية بسمة وهبة أيضًا: «لو أنا السبب في طلاقهم زي ما الناس بتقول كانوا خرجوا من الحلقة، واتطلقوا في ساعتها، مكنوش استنوا لبعد رمضان والعيد والفترة دي كلها، وعايزة أقول لحسن أكيد أنت كنت عارف إن ريم كانت متجوزة قبلك، هي أصلًا كانت رافعة قضية على جوزها السابق فأكيد دي حاجة مش هتستخبى عليك».

واختتمت قائلة: «وحسن داير يعني مش ممكن واحدة تضحك عليه، وتفهمه إنها آنسة وهي كانت متجوزة».