أحمد شوبير يدافع عن بسنت حميدة: «لو مش عجباكم ماتتفرجوش»

دافع الإعلامي أحمد شوبير، عن البطلة المصرية بسنت حميدة، بعد الهجوم الذي تعرضت لها عقب حصولها على الميدالية الذهبية في سباق 100 متر عدو، بدورة ألعاب البحر المتوسط.

وقال شوبير، في تصريحات إذاعية: «أول مرة في حياتنا ناخد ميدالية في ألعاب القوى في منافسة زي دي، وبسنت صبرت وثابرت وكافحت بعد إصابات عديدة تعرضت لها حولتها إلى بطلة في لعبتها».

وأضاف أحمد شوبير «فيه ناس قاعدة متربصة لبسنت حميدة، البنت توجت بالميدالية الذهبية وبعدها سجدت شكر لله، ومن هنا يا داهية دقي.. بدأوا يقولوا إزاي تسجد كده وأنت لو أختك تحبها كده؟!.. ما أنت قاعد بتتفرج على السباحة والجمباز وغيرها، وبعدين هي استغفر الله بتعمل كده كنوع من الإغراء؟!.. انتوا مالكم فيه إيه وإيه اللي حصل لكم وإيه الأمراض دي».

وواصل أحمد شوبير، أن بسنت حميدة بطلة مصرية، ومعيدة في مجالها بعد حصولها على امتياز مع مرتبة الشرف، مضيفًا «بقول لمنتقديها لو مش عاجبكم ماتتفرجوش وسيبوها في حالها وإن شاء الله تتوج بميدالية ذهبية جديدة النهارده».

هشام حطب: بسنت حميدة حققت إنجاز وبكرة يبقى إعجاز

بعد فوزها بالذهبية .. أحمد موسى : بسنت حميدة بطلة مصرية و نموذج عظيم