بسنت شوقي ترد على شائعات طلاقها وانتقادات ملابسها.. مفاجأة عن محمد فراج

كشفت الفنانة بسنت شوقي أسرار من حياتها الشخصية وعن زوجها الفنان محمد فراج لأول مرة، قائلة: «الناس بيقولي عني إني شايفة نفسي، لكن أنا شخصية خجولة وباخد وقت لحد ما أعرف الناس».

وتابعت بسنت شوقي: «وملامح وشي ساعات بتدي الانطباع ده ودوري في ليه لأ هو اللي صنع اسمي».

تصريحات بسنت شوقي

وعلقت على شائعات طلاقها من محمد فراج، قائلة: «شائعات طلاقي من محمد فراج كتيرة وكل مرة بيطلع الخبر دا بنكون مسافرين سوا في إجازة ومحمد فراج أكثر شهرة مني».

واستكملت بسنت شوقي حديثها قائلة: «مش برد على انتقادات أن ملابسي جريئة، لكن فكرة الملابس جريئة أو لأ لها علاقة بالذوق وتربية الإنسان اللي ممكن يكون جريء بالنسبة لناس بيكون مش جريء لناس تانية، وأكتر سؤال بيزعجني أي حاجة لها علاقة بحياتي الشخصية بحس الناس متطفلة جدًا».

محمد فراج وبسنت شوقي

بسنت شوقي ومحمد فراج

وقالت أيضًا: «بابا ممكن يتقبل أني أشجع الزمالك لكن هيبقى مستغرب لكن محمد فراج مش هيتقبل هو متطرف جدًا في موضوع الأهلي والزمالك، وبحب كرة القدم جدًا وبفهم فيها لأني من وأنا صغيرة بتفرج على الماتش لكن من بعد أحداث بورسعيد مبقتش أحب أتفرج».

وعن الشائعات التي تطاردها هي ومحمد فراج، قالت بسنت شوفي: «بنزعج من اللي بيتقال إني أكبر من محمد فراج لأنها مش حقيقة كمفهوم أنا معنديش مشكلة وصريحة لكن دي لو حقيقة هطلع أقولها لأني فخورة بنفسي لكن اللي يزعجني أن اللي بيقتال مش حقيقي».

وكشفت أنها خضعت لعملية تجميل واحدة في مناخيرها، معلقة: «علشان كانت اتكسرت في برنامج قبل كده».

محمد فراج وبسنت شوقي