بسنت صيام تهدي عمرة للراحلة سعاد حسني

أعلنت الفنانة بسنت صيام انتهائها من أداء مناسك العمرة للمرة الثانية برفقة والدها، وأهدت العمرة للفنانة الراحلة سعاد حسني.

نشرت بسنت صيام فيديو للراحلة سعاد حسني عبر حسابها الرسمي بموقع انستجرام، وعلقت قائلة: «وعدت ووفيت يا ست سعاد، الحمد لله وربنا يتقبل، العمرة التانية اللي عملتها كانت لسعاد حسني».

بسنت صيام تهدي عمرة للراحلة سعاد حسني

وتابعت: «وعد كنت وعدته من وأنا صغيرة إن أول ما ربنا يكتب لي عمرة هعملها واحدة، حبي لها مش حب عادي اللي يعرفني عارف أن بيتي كله صورها عندي لبس وشنط وحاجات كتير عليها صورها».

وأضافت بسنت صيام: «أنا حبيت الفن منها وأنا صغيرة كنت عايزة أمثل عشان أمثل أفلامها بس مش هو ده الحب أنا بحبها اللي هو دايمًا بترحم عليها وادعيلها واقرأ لها قرآن، طول عمري شايفة إني معنديش هدية أكبر ولا أحلى من العمرة أهديها بيها».

بسنت صيام

تصريحات بسنت صيام

واستكملت: «والحاجة الوحيدة اللي ممكن تكون هي محتاجاها وكمان هي معندهاش أولاد، وللأسف على قد ما الناس كلها بتحبها الناس مبتفتكرش تترحم ولا تدعي للفنانين معرفش ليه، مكنتش ناوية أتكلم في الموضوع ده عشان دي حاجة بيني وبينها وبين ربنا بس بقالي شوية بضايق وبستغرب أوى إزاي الناس تكون بتحب فنان أو فنانة أوى ويجروا عشان يتصوروا معاهم وفي نفس الوقت يقطعوا فيهم ويشتموهم ويستحلوا الكلام في عرضهم كدة».

واختتمت بسنت صيام: «بجد حاجة مخي مش فاهمها، كله كوم بقى ولما يبقى الكلام ده على حد اتوفي والفكرة أن دايمًا الناس دي بتتكلم بالدين طب ده حتى الدين بيقول أذكروا محاسن موتاكم، نفسي تاخدوها حاجة كدة وانتوا بتتفرجوا على التليفزيون ولقيته ممثل بتحبوه واتوفى خدوا 10 ثواني اقروا له الفاتحة ولو يا سيدي شايف أن اللي بيعمله حرام قول لنفسك كدة معناه انه محتاج الدعوة أكتر».

 

View this post on Instagram

 

A post shared by 𝐏𝐚𝐬𝐬𝐚𝐧𝐭 𝐒𝐞𝐲𝐚𝐦 | بسنت صيام (@passantseyam)