«بشجع بلدي».. مراد مكرم يكشف سبب تراجعه عن انتقاد حسام حسن

كشف الفنان مراد مكرم سبب تراجعه عن انتقاد المدير الفني لمنتخب مصر حسام حسن، قبل مباراة مصر والأرجنتين اليوم الثلاثاء.

كتب مراد مكرم في منشور عبر حسابه الشخصي بموقع فيس بوك: «جمهور البوم طاخ.. حسام حسن نفسه طلع قال أنا عندي اتنين وربع محترفين!.. ودلوقتي بيقول أنا معايا رجالة وما بخافش من حد».

وتابع: «يعني طبيعي أن تغير الظروف بيغير الرأي برضه.. أيوة هاجمت اختيارات حسام حسن قبل البطولة بس بعد ما ابتدت البطولة أنا بشجع بلدي.. هتعرفوا تفهموها دي ولا صعبة؟».

واستكمل مراد مكرم: «وملحوظة تانية.. هو أيام كيروش مش كان فيه ناس معترضة وبتحارب كيروش ومنتخبه علشان ماخدش قفشة وشريف؟ ولا هو حلال على ناس وحرام على ناس؟ ابتدت البطولة كلنا خلف منتخب بلدنا ...خلص الكلام».

وقبلها بساعات كتب في منشور آخر: «لو سمحتم ما تنسبوش نجاح حسام حسن اللي كان عندي مشاكل في أختيارته أنا معترف، ما تنسبوش النجاح ده لأحد الفرق.. أنتو عايزين المجتمع المصري كله يجتمع خلف فريقه ولا عايزين تجزئوها أهلي وزمالك ومسيحي ومسلم وبحري وصعيدي؟».

واختتم: «أنا لو صاحب قرار، كنت عملتلكم استجواب أمام مجلس النواب وفي الأمن الوطني، لأنكم بتدمروا الأمن والسلم المجتمعي وعن قصد».