بشرى تدعم مصطفى قمر بعد هجوم طارق الشناوي بهذه الكلمات

حرصت الفنانة بشرى على مساندة الفنان مصطفى قمر وذلك عقب الهجوم عليه من الناقد الفني طارق الشناوي عقب عرض فيلم أولاد حريم كريم.

بشرى تدعم مصطفى قمر

كتبت بشرى عبر حسابها بموقع انستجرام:  'أنا آسفة يا مصطفى لكن أنا شايفة إن كل واحد حر في رأيه والرأي لا يمثل إلا صاحب الرأي لكن الجمهور شأن آخر والغالبية قد قالت كلمتها ورأي واحد سلبي وغير موضوي أمام آلاف الإشادات في قاموس النسبة والتناسب يساوي 1 في الألف أو المليون ودي نسبة لا تُذكر'.

واستكملت حديثها، وقالت: 'ثم لو الأستاذ طارق شايف إن حضرتك قديم واحنا كلنا 12 بطل وبطلة من الجيلين كلنا قدام هو حر، مع إنك يا أخي من أكتر النجوم معاصرة وتجديد ومن أول من أحدث تطوير في الأغنية المصورة وأغانيك بتتعلب في كل مكان ومحفوظة من كل الأجيال والغالب مستمر فاسمحلي أقولك يا مصطفى احنا نسيب كل جديد وحديث للأستاذ طارق واحنا قاعدين مبسوطين ومرحرحين ومظأطاطين في القديم.. ده حتى المثل بيقول القديمة تحلى ولو كانت وحلة'.

واختتمت بشرى حديثها، وقالت: 'إلا صحيح ما هو التعريف الرسمي للقديم وللحديث في المعجم الوجيز؟! أنا شخصيًا من مواليد التمانينات، وأحب القديم قوي.. ده حتى البقال معندوش جبنة جديدة بس عنده جبنة قديمة.. كان بالأحرى بالناقد الكبير كتابة نقد موضوعي وعدم إهمال جهود 12 ممثل في الفيلم ومنهم مجموعة من الشباب الواعد فقط لأن في أمر مشخصن كما يبدو مع شخص نجم الفيلم.. طب مش عاجبك القديم يا أستاذ طارق فيه 6 وجوع جديدة في الفيلم كلهم مش عاجبين حضرتك؟ ده قرار واعي بتحطيم الشباب بقى.. إذن لا تحدثني عن الحداثة وتتهمنا بالقدم'.

مصطفى قمر يرد على طارق الشناوي

حرص الفنان مصطفى قمر بالرد على انتقاد وهجوم الناقد الفني طارق الشناوي بشأن فيلمه أولاد حريم كريم الذي يعرض في دور السينما حاليًا.

قال مصطفى قمر عبر حسابه بموقع إنستجرام: 'هو أنا مش طلبت منك تبعد عني أصلًا ومتتكلمش عني علشان متتهزأش طيب انت اللي جيبته لنفسك عموما ياللي اسمك طارق'.

وتابع: 'انت كاتب كلام اهبل يدل للمرة المليون انك ماشفتش الفيلم وعموما اللي هيرد عليك جمهور السينما الحقيقي اللي دخل الفيلم اللي مالوش دعوة بالنفاق او مصلحة اي فيلم تاني فكرني كدة شغلتك ايه من اريع حروف بيتهيألي'.