بعد أزمته مع زوجته ريم طارق.. هل تعرض حسن شاكوش للأعمال والسحر؟

ياسمين حمادة 07 مايو 2023 | 01:37 مساءً

أثار حسن شاكوش مطرب المهرجانات ضجة واسعة خلال الساعات الماضية، بسبب أزمته مع زوجته ريم طارق، وتصريحات منسوبة له حول تعرضه للسحر والأعمال.

تصريحات حسن شاكوش

تداول رواد مواقع التواصل الاجتماعي خلال الساعات الماضية فيديوهات سابقة يتحدث فيها حسن شاكوش عن تعرضه للأعمال والسحر ويتحدث عن حفل زفافه.

وقال حسن شاكوش في بث مباشر نشره في شهر مارس الماضي عبر حسابه الرسمي بموقع انستجرام: «كان بيتعملي أعمال لوقف الحال وأعمال إني أموت».

حسن شاكوش في بث مباشر

تابع حسن شاكوش متحدثًا عن الأزمات التي مر بها في حياته ولم يتحدث عن زوجته ريم طارق: «وأعمال إني أموت نفسي وأنتحر بس الحمدلله عشان قريب من ربنا ومش شرط إني أكون بصلي وأنا بقالي كتير مش بصلي لكن الفترة دي قريب منه».

واستكمل: «كفاية إن أمي راضية عني وأخواتي ورضا الأم من رضا الرب ويستحيل أكون وحش مع أهلي وهم يكونوا بيحبوك أو ربنا يكرمك».

وأضاف حسن شاكوش في حديثه بعد انتقاد حفل زفافه والمبلغ الذي كلفه: «اتكسرت فرحتي، وصرفت 4 مليون جنيه في بيت وعفش وأوتيل وفرح».

ومن جانبه، كشف طارق السيد والد ريم طارق زوجة مغني المهرجانات حسن شاكوش، تفاصيل جديدة حول مشاكل ابنته وزوجها شاكوش.

حسن شاكوش في بث مباشر

والد ريم طارق زوجة حسن شاكوش

وقال والد ريم طارق زوجة حسن شاكوش، في تصريحات تليفزيونية: اللي حصل اختلاف في وجهات النظر.. بنتي مرتحتش فقررنا إننا نخرج بالمعروق والمشكلة بقالها شهرين.. والحمد لله إنه ظهر على حقيقته قريب.

والد ريم طارق، تابع في حديثه: حسن خد كل حاجتها، أنا مقولتش أنه كان معاها 10 كيلو ألماظ استولى عليهم لأ.. ده الذهب العادي بتاعها وحقها الشرعي كله اللي احنا كاتبينه على الورق.

وأضاف والد زوجة حسن شاكوش: المشاكل ابتدت في نص رمضان وحاجة عادية جدا وهما مكنوش يعرفوا بعض قبل الجواز، لكن الموضوع ملهوش علاقة بجوازها الأول ولا إنها خبت عليه، وهو لو قايل كدة يعمل بلاغ في النيابة اننا عملنا غش وتدليس، والكلام ده كذب والمحامي بتاعه أقر إن الموضوع ده مش هو السبب.