بعد إصابتها بمزق.. داليا البحيري تكشف تطورات حالتها الصحية

طمأنت الفنانة داليا البحيري متابعيها وجمهورها على تطورات حالتها الصحية، بعد إصابتها بمزق في وتر الإبهام.

وقالت الفنانة داليا البحيري في تصريحات تلفزيونية لها: «الحمد لله الزرقان ابتدى يروح وبحرك إيدي وكله تمام.. وقبلها أخدت خمس جوايز بس مفيش فايدة بردو».

تطورات حالة داليا البحيري الصحية

كانت قد تعرضت الفنانة قبل حوالي 10 أيام، للإصابة على المسرح أثناء تقديم عرض سيدتي أنا، وكشفت تطورات حالتها الصحية، قائلة: «حادثة صغيرة على ما قسم كده.. اختل توازني على المسرح ووقعت واقعة جامدة حبتين».

وتابعت داليا البحيري في تعليقها على صورة الأشعة التي نشرتها عبر حسابها الرسمي بموقع انستجرام، قائلة: «نزلت بكل حملي على إيدي وحسيت برجة جامدة في دماغي.. وجع رهيب إيدي ورمت قلت بس أنا اتكسرت».

داليا البحيري

إصابة داليا البحيري

واستكملت: «كملت العرض الحمد لله وطلعت على الطوارئ هوب إشاعة هوب الحمد لله مفيش كسر بس في مزق في وتر الإبهام أدى إلى إن العضمة اتحركت من مكانها ياختي في.. كل ده تمام وألف حمد وألف شكر إنها بتيجي على قد كدة.. المشكلة بقى يا جماعة في إني اكتشفت إني مش عارفة أعمل أي حاجة بمعنى أي حاجة من غير الصباع ده».

واختتمت الفنانة داليا البحيري قائلة: «لا عارفة ألبس ولا أقلع ولا أفتح إزازة الماية مش عارفة أشيل حاجة مش عارفة أفتح باب العربية ولا أي أكره.. مش عارفة أسرح شعري ولا أغسل وشي ولاااا أي حاجة … وكمان مش عارفة أعمل scroll.. مش عارفة أعمل like … آه والله الـ Like بتوجعني جدًا …بس برضو الحمد لله دائمًا وأبدًا …ما يقع إلا الشاطر».

داليا البحيري