بعد إعلانه أنها سبب الطلاق.. شقيقة مسلم: «كفاية تمثيل بقى أنت مجنون»

لم تهدأ تداعيات إعلان المطرب الشعبي مسلم انفصاله عن زوجته يارا تامر، بل تحولت الأزمة إلى ساحة مواجهة علنية بينه وبين أسرته، بعدما خرجت شقيقته آية زكريا، عن صمتها وهاجمته عبر حسابها على موقع 'إنستجرام' بكلمات حادة، في تصعيد جديد ألقى مزيدًا من الضوء على حجم الخلافات العائلية التي أدت إلى الطلاق.

وردّت شقيقة مسلم على تصريحاته بشأن أنها ووالدتها وأشقائه السبب في طلاقه عن زوجته، قائلة: 'ما كفاية تمثيل بقى وتجيب سيرتنا يابني بقا انتو ايه جبلّه معرفش هتبقى راجل امتى هو أنت بتأكلنا ولا بتشربنا اوعى تفكر هنسكت عن حقنا.. انت مجنووون'.

وأضافت شقيقة مسلم، قائلة: 'خلاص اللي اتقال اتقال متعملش فيها اللي رما اليمين بجد.. أنت عارف كل حاجة وراضي عنها خلاص اللي اتقل منها عيش وانسانا'.

مسلم يعلن طلاقه عن زوجته

وكان مسلم قد فاجأ جمهوره بإعلان طلاقه في رسالة مطولة نشرها عبر خاصية 'ستوري' على حسابه الرسمي بموقع التواصل الاجتماعي.

وقال مسلم :'تم الطلاق بيني وبين مراتي وده بسبب مشاكل أهلي وفضحتني قدام الناس حسبي الله ونعم الوكيل فاللي كان السبب وخلى بينا مشاكل وكلام زي الزفت فالسمعة والشرف والأعراض وحلم واحدة أنها تعيش مبسوطه لا أكثر ولا أقل ومش مسامح أختي ولا أمي ولا أخواتي كلهم بجد على كل حاجى وصلوني ليها أنا بجد بعد الست دي مفيش ست هتخش حياتي تاني وشكرًا أوي على الظروف'.

طليقة مسلم تكشف أسباب الطلاق

وكشفت يارا تامر طليقة مسلم أسباب انفصالها عبر انستجرام، قائلة: ''تم الطلاق بيني وبين مسلم و بجد حسبي الله ونعم الوكيل فيكم ربنا ينتقم منكم وأنا عارفة أني مكنش المفروض اطلع اتكلم بس أنا معنديش حاجة أغلى من كرامتي وشرفي قدام الناس'.

وأضافت قائلة: 'وأنا أهو بعدت يمكن ترتاحو وتسبوني في حالي للعلم أنا من يوم ما اتجوزت مسلم كانت هيا دي مشكلنا غير كده مكانش في أي مشاكل بينا وشهادة حق أنه عمري ما زعلني وكان ديماً واقف في ضهري بس أنا اتظلمت كتير ومش مسامحة'.