بعد استجابته للعلاج.. محمد ثروت يكشف تطورات جديدة في حالة ابنه: مرضه صعب

كشف الفنان محمد ثروت تطورات الحالة الصحية لابنه المخرج والفنان أحمد ثروت، معلقًا: «ربنا أراد ابني بفضل دعوات الناس يرجع يقف على حيله تاني».

محمد ثروت وابنه

وتابع محمد ثروت في تصريحات تلفزيونية له: «ربنا ما يحكم على حد بالمرض، والصحة بالفعل تاج على رؤوس الأصحاء لا يعرف قيمتها إلا المرضى، أحمد بدأ في المشي خلال الأيام الأخيرة وكانت لحظات مؤثرة في حياتنا».

وأضاف: «المرض بتاعه صعب ولكن إحنا عندنا صبر واحدة واحدة هيرجع تاني والحمد لله أحمد بدأ يقوم ببركة ربنا ودعاء الناس لربنا سبحانه وتعالى وربنا ما يحكم على أى إنسان بمرض».

أحمد ثروت نجل محمد ثروت

تطورات حالة أحمد ثروت

واستكمل حديثه عن تطورات حالة أحمد ثروت: «مهما كان الإنسان عنده قدرة مش بتنفع إلا ربنا أراد الشفاء والصحة تاج إلا على رؤوس الأصحاء، وأحمد بدأ يحرك رجله الشمال ولكن هى مسألة وقت ولابد من الصبر لأن المرض غريب ووحش وربنا ما يحكم على حد».

أعلن الفنان أحمد ثروت نجل الفنان محمد ثروت استجابته للعلاج من مرض نادر أصابه، ونشر فيديو له أثناء العلاج الطبيعي، معلقًا: «الحمد لله كرم من ربنا وبفضل دعواتكم النهادرة بعد 160 يوم صراع مع متلازمة ميلر فيشر».

وعلق أحمد ثروت على الفيديو الذي نشره عبر حسابه الرسمي بموقع انستجرام، قائلًا: «أول يوم أنجح إني أقف تاني على رجلي بعد عشرات الأسابيع ومئات المحاولات.. واتعلمت كتير من اختبار ربنا ليا، اتعلمت الرضا والحمد على كل حال وإن ستر ربنا علينا فوق كل شيء ومدى تحملك بيجي معاه كرمه ليك في الآخر وإنه مش هيخذلك طول مانت مسلم أمرك».

مرض أحمد ثروت

وأضاف: «وإن عادي ممكن ابتدي تاني كل حاجة من الأول وإن لسه في أمل طول ما في حياة.. ربنا ألهمني في أول الإصابة إني أوثق الاختبار ده من أول يوم حتي الآن، وده عشان أول ما أقوم إن شاء الله اتمني أكون سبب في التوعيه لمثل هذه الأمراض النادرة».

واستكمل: «وإزاي لو لقدر الله اتصابت أنت بيها أو حد قريب منك تتعامل معاه إزاي لأن جزء كبير من التعافي هو الحالة النفسية للمصاب.. حابب أقول حاجة من قلبي بجد، الكرم اللي ربنا كرمني بيه ده نور لي حاجات كتيرة، خلاني أقعد مع نفسي أقيمها وعرفني قيمة نعمة نعمة هو مديهالي زي إني أدخل الحمام لوحدي أو أعرف أكل لوحدي أو أمشي خطوة او حتي اتحكم ف جسمي».

وكتب نجل محمد ثروت أيضًا: «واللي معظم الناس ماتعرفوش إني كنت فقدت بصري لأسابيع في عيني اليسري وفقدت القدرة على التحكم فالكلام لأكثر من شهر.. وكل يوم كنت بسأل نفسي وأنا في ظروف دي لو ربنا افتكرني هو أنا قدمت ايه لكل الي حواليا؟!… وصلت دلوقتي إن بقي عندي هدف أكبر من إني أنجح او اشتغل لنفسي بس».

أحمد ثروت نجل محمد ثروت

نجل المطرب محمد ثروت