بعد الحجاب.. مي عبدالنبي تكشف حقيقة اعتزالها وسر طلاقها من لاعب الكرة المعتزل

تحدثت الفنانة مي عبدالنبي عن حقيقة اعتزالها الفن بعد ارتداء الحجاب، وغياب لفترة طويلة عن الساحة الفنية.

قالت مي عبدالنبي عبر تصريحات تلفزيونية: «طول الفترة اللي فاتت أنا معتزلتش، يمكن مش قدام الكاميرا، لكن من خلف الكاميرا طول الفترة اللي فاتت بمارس الفن في الإذاعة».

حقيقة اعتزال مي عبدالنبي

وتابعت: «مفيش أسبوع بيعدي غير لما أكون عملت حاجة في الإذاعة، وطبعًا موضوع الدوبلاج خد مني وقت طويل ومحبة، أنا بعمله بحب، أنا مختفية، لكن معتزلتش بدليل إني موجودة في الوسط، الفكرة إن الحجاب فرض عليّ أدوار معينة».

وقالت مي عبدالنبي عن الحجاب: «خدت قرار الحجاب من 20 سنة، من غير أي أسباب غير أن قلبي قال لي أقرب لربنا من وجهة نظري، ودا كان اللي أقدر أعمله دلوقتي، اجتمعت بأولادي وقلت لهم إني خدت القرار عشان أقرب من ربنا وأرضيه وطبعًا دا هيأثر على دخل حياتنا، والاثنين قالوا لي يلا».

أسباب طلاق مي عبدالنبي

وفيما يخص أسباب طلاقها من لاعب كرة القدم المعتزل والمحلل الرياضي مصطفى يونس، بعد زواج 10 سنوات، علقت قائلة: «الست بتطلب الطلاق لما في حاجة جواها بتتكسر ومتتصلحش تاني، زي الثقة، لما تحس بعدم الأمان، لما يبقى في حاجة مكنتيش متوقعاها حصلت، ولم يكن القرار سهل، واستحملت كفاية وحاولت بقدر المستطاع الحفاظ على العلاقة، وإحنا أصحاب لحد النهاردة».

مي عبدالنبي