بعد الصلح.. شيماء سيف تكشف سبب خصامها مع والدها 10 سنوات

تحدثت الفنانة شيماء سيف عن تفاصيل صلحها مع والدها بعد 10 سنوات، لافتة إلى أنه اختفى فجأة.

قالت شيماء سيف عبر تصريحات تلفزيونية عن صلحها مع والدها: «بابا كان غير متوقع للمكالمة، لأنه بقاله أكتر من 10 سنين ماسمعش صوتي».

صلح شيماء سيف ووالدها

وتابعت: «اتصلت عليه أيوة يا بابا. قالي أيوه يا بنتي أنا بصلي وعارف إن اللحظة دي هتحصل، خلاص إحنا الاتنين بقى، قولت له أنا مسافرة أحج قالي ربنا معاكي وترجعي بالسلامة».

واستكملت شيماء سيف: «القصة إن ماما عمرها ما منعتنا من التواصل مع بابا ولا قالت لحد فينا، لكن أنا شخصية حقانية أوي، لو حد عمل حاجة أنا هقوم اتخانق له».

شيماء سيف

سبب خصام شيماء سيف ووالدها

واختتمت: «وأنا شوفت ماما معملتش حاجة، إحنا كبرنا في بيت أسري جميل مفيهوش فكرة الأب والأم منفصلين، لحد ما كبرت واشتغلت فجأة صحينا في يوم بابا اختفى دي حاجة هزتني وأفقدتني الثقة وحسيت إن ممكن أي حد يمشي».