بعد حفله بمهرجان العلمين 2024.. هل سيتجه رامي جمال للتمثيل؟

أعلن الفنان رامي جمال رغبته في دخول مجال التمثيل الفترة المقبلة، بعد نجاح حفله في مهرجان العلمين 2024.

قال رامي جمال عبر تصريحات تلفزيونية: نفسي أشوفني في التمثيل، أنا كان نفسي أنجح في التلحين ونجحت ولكن في الغناء لسة ما نجحتش بالشكل اللي أنا عايزه».

موقف رامي جمال من دخول التمثيل

وتابع: «أما أوصل للمرحلة اللي عايزها ممكن وقتها أجرب حاجة جديدة زي التمثيل، وأنا كنت بحب الأغاني من وأنا صغير، وأما دخلت الكلية كان ليا صديقي الشاعر محمد عاطف».

واستكمل رامي جمال: «هو اللي لفت نظري إن الحاجات اللي قاعد بغنيها بالجيتار دي ألحان، وأنا مكنتش فاهم حاجة غير أنها أغنية عاملها لنفسي وخلاص وبعد ما كذا فنان خد أغاني ونجحت فهمت إني من الواضح كان عندي موهبة معرفش عنها حاجة والحمدلله نجحت».

واختتم: «عمري ما تمنيت أغنية لحنتها بحب لحد ليا، لأني لو كنت عايزها كنت أخدتها».

رامي جمال

لقطات من حفل رامي جمال بمهرجان العلمين

كان قد أحيا رامي جمال حفلاً غنائيًا نجاحًا كامل العدد على مسرح يو أرينا، ضمن فعاليات الدورة الثانية من مهرجان العلمين 2024.

قدم عدد كبير من أغانيه التي يحبها ويتفاعل معها الجمهور، حيث افتتح بأغنية عرفتوا ليه، ثم قدم «قول حبيبي إنك معايا، أنا جتلك، قدامي، سقف، اللي مشيوا، بيكلموني، فوقت متأخر، فترة مش سهلة، قمر ومنور، أنا مش كداب».

وقدم رامي جمال موهبة جديدة من كورال فرقته يدعى علي، الذي غنى «لحظة بعادك»، وبعدها أهدى الفنان أغنية اوعديني لزوجته،.

وشهد الحفل ميدلي من ألحانه لكبار المطربين، منها «أنت تاني» للفنانة هيفاء وهبي و«أنا مصمم» للفنان بهاء سلطان و«بسلم عليك» للفنان مصطفى قمر، و«هاجي على نفسي» للفنان تامر عاشور و«مش كنت تتكلم» للفنان محمد حماقي.

رامي جمال