بعد صفقة رأس الحكمة.. الرئيس السيسي يمازح مدبولي: أنت أخدت مئات المليارات

مازح الرئيس عبدالفتاح السيسي، الدكتور مصطفى مدبولي، رئيس مجلس الوزراء ومحافظ البنك المركزي حسن عبدالله، بسبب صفقة رأس الحكمة.

وتوجه الرئيس السيسي في كلمته خلال حفل قادرون باختلاف في نسخته الخامسة، لرئيس الوزراء قائلا: «اتفضل يا دكتور مصطفى قول نحط كام في صندوق قادرون باختلاف» ليرد مدبولي: «اللي حضرتك تأمر بيه يا فندم.. مليار جنيه».

وقال الرئيس السيسي: «مليار إيه يا دكتور إنت أخدت مئات المليارات.. إحنا هنحط في الصندوق علشان عوائدهم تغطي.. مش إنت اللي ماسك الصندوق ده.. طب خلاص أقول أنا 10 مليارات جنيه».

كما توجه الرئيس بالشكر لمحافظ البنك المركزي ورئيس الوزراء والحكومة، موضحا أن صفقة رأس الحكمة شرح تفاصيلها الدكتور مصطفى لكن أريد التحدث عنها من منظور مختلف رغم أنه هناك إعلان واضح عن الصفقة.

وأضاف: «إحنا بنبقى شفافين معاكم وصادقين في طرح الموضوع من غير ما نخفي شيئا لأننا ميصحش أن إحنا نخدعكم أو نقول كلام مش دقيق.. الدكتور مصطفى تكلم عن المشروع وشكل الشراكة بمساحته وحتى بالإجراءات اللي هتتعمل خلال الشهور والسنوات القليلة القادمة علشان المشروع يبقى أكبر مشروع سياحي على البحر المتوسط، ده كله كلام اتقال وأنا بأكده يعني».