أكد البلوجر أحمد كريم أحد صناع المحتوى أنه فشل في الدخول لعالم التمثيل، وفشل في الحصول على فرصة واتجه لـ السوشيال ميديا وحقق نجاح كبير فيها من خلال قيامه ببث فيديوهات في الشارع .

قال البلوجر أحمد كريم: حاولت العمل في مجال السينما والمسرح والورش التمثيلية عشان أدخل مجال التمثيل ولكن ملقتش الفرصة المناسبة، ومن هنا فكرت أدخل مجال السوشيال ميديا، وملقتش صعوبة في عمل الفيديوهات الكوميدية ونشرها، ولكنى فوجئت بتفاعل كبير من المواطنين.

وأضاف البلوجر أحمد كريم خلال لقائه مع الإعلامية نهال طايل ببرنامج تفاصيل المذاع على قناة صدى البلد، أنه يمتلك صفحات كثيرة على السوشيال ميديا، ولديه 11 مليون متابع على منصة واحدة ، وأن حلمه هو امتلاك سيارة لامبورجيني معقبًا: ساعات بقعد أبوس ايدي وأشكر نفسي على اللي عملته ووصلت ليه خلال الفترة الأخيرة وبكسب كتير من السوشيال ميديا.

قصة البلوجر أحمد كريم

وتابع: مستقبلي في التليفزيون ونفسي أدخل مجال التمثيل من تاني وأثبت نفسي فيه، لإني بحب السينما والتمثيل بشكل جنوني، وده كان سبب في نجاحي في السوشيال ميديا.

وأكمل البلوجر أحمد كريم: مش بتابع بلوجرز خالص، وأتابع فنانين كبار ونجوم؛ منهم الفنان محمد رمضان وبيعجبني فيه إنه عنده طموح بطريقة رهيبة.

واستكمل: فيديو المترو من أكثر الفيديوهات التي لاقت رواجًا كثيرًا على السوشيال ميديا وحقق 620 مليون مشاهدة في العالم كله لحد دلوقتي.

واختتم أحمد كريم: مش بعمل فيديوهات ومقالب عشوائية في الشارع عشان معملش مشاكل مع حد، ولازم يكون فيه تواصل بيني وبين صاحب المقلب عشان ميحصلش مشاكل في التنفيذ، وبعدين نصور وننشر على السوشيال ميديا، والناس بتنبسط.