«بعد معاناة ومشوار إقناع طويل».. ابنة أحمد سعد تكشف كواليس مشاركة والدها غناء «كدا كدا»

تحدثت جودي أحمد سعد عن كواليس مشاركتها والدها في غناء أغنية كدا كدا، وغنائها بالإسبانية.

قالت جودي أحمد سعد عبر تصريحات تلفزيونية: «كان بعد معاناة كبيرة جدًا أحمد سعد مالوش كتالوج عمرنا ما هنعرف إمتى بيوافق وإمتى بيرفض بس لو هقدر أكد حاجة إني تعبت جدًا».

وتابعت: «من أول ما اكتشفنا إني بغني وأنا بحاول أقنعه، إحنا كنا في رحلة عائلية لأمريكا وقت تخرج أخويا، سمعني أغنية بالإسباني وبالصدفة أنا كنت بدرس في إسبانيا فترة».

واستكملت جودي أحمد سعد: «فقلت له ليه مش أنا اللي بغني؟ هو في نظرة بتاعته أن هو بيفكر بس عمره ما هيقول أنه بيفكر، أخدت بالي من النظرة دي وابتديت أحاول أكتر ونجحت».

واختتمت: «نفسي تبقى الأغنية بداية في عالم الفن بس مقدرش إني أعمل حاجة أنا بحافظ على مشاعره جدًا هو إنسان حساس جدًا لو حسيت إني هزعله مش هعمل كده».