بعد وفاة والديها.. ماذا قالت دينا الشربيني عن الموت والوحدة ؟

تعيش الفنانة دينا الشربيني حالة من الحزن بعد وفاة والدتها اليوم الأربعاء، الموافق له 20 سبتمبر الجاري، ومن المقرر تشييع جثمانها غدًا الخميس 21 من الشهر نفسه.

وكانت قد تحدثت الفنانة دينا الشربيني عن الموت، في تصريحات تلفزيونية سابقة لها، قائلة: «بكره فكرة الموت، مش عايزاها أصلًا تيجي في دماغي».

تصريحات دينا الشربيني عن الموت

وتابعت: «لكن الموت بيجي في ثانية.. المتوفي ممكن يكون في حتة أحسن ومرتاح بس بيوجع اللي حواليه هما اللي عايشين ده، بس هما أكيد مرتاحين، دايمًا بقول لأي حد أعرفه فقد حد عزيز منه، حطوا في دماغكم إن الشخص ده سافر».

وأوضحت أن الشعور بالموت والوحدة هما أكثر شيء تخاف منه، مضيفة: «الوحدة أكتر إحساس بيخوفني ومش بحبه، مش عايزة لما أكبر أعيش لوحدي، أكيد هيبقى نفسي في حد ياخد باله مني، لما بشوف حد كبير في السن لوحده مبتمناش أبقى كده، ومفيش حد يتمنى يكون كده».

وفاة والد دينا الشربيني

وبعد وفاة والدها منذ حوالي 5 أشهر، قالت في تصريحات لها: «أنا لسه مش مستوعبة وفاة والدي، هو كان شخص بيحب الحياة أوي.. والمرة الوحيدة اللي جالي فيها في الحلم قاللي اتبسطي».

واختتمت: «هو بني آدم إيجابي، وحاسة إنه معايا مش إنه مشي ووالدي دائمًا كان يريدني أن أعتزل في وقت يتذكرني فيه الجمهور بشكل جيد، وكانت نصيحته دائمًا أن أحافظ على مستوى مميز من الأعمال التي يتذكرني بها الجمهور، ولكنني لا أعلم متى يمكن أن أتخذ هذا القرار».

دينا الشربيني ووالدها

دينا الشربيني