بعد وقوع الزلزال.. زيزو: ثوانٍ من الخوف كانت كافية لتصغير الدنيا في عيون الناس

علّق أحمد سيد زيزو، لاعب النادي الأهلي، على الهزة الأرضية القوية التي وقعت فجر اليوم وشعرت بها أنحاء كثيرة في البلاد.

وكتب زيزو، عبر حسابه على موقع التواصل الاجتماعي «انستجرام»، «ثواني من الخوف كانت كفاية إن الدنيا بكل اللي فيها تصغر في عين الناس، وإن كل واحد يفتكر إن في النهاية مفيش ملجأ غير ربنا».

وأردف قائلًا: «الحياة أقصر من إننا نعيشها في خصام وظلم وغضب، وأقصر من إن الدنيا تشغلنا عن اليوم اللي كلنا رايحين له».

وتابع قائلًا: «أشتغل وأسعى وأحلم، لكن ما تنساش وأنت بتبني دنيتك إنك تبني لآخرتك، وما تأجلش توبة ولا خير تقدر تعمله، ولا حق تقدر ترجعه».

وواصل زيزو قائلًا: «يمكن ربنا يرسل لنا لحظات زي دي مش بس عشان نخاف... لكن عشان نفوق، ونراجع نفسنا ونفهم إن وجود فرصة ثانية في حد ذاته نعمة.. اللهم احفظنا برحمتك، واغفر لنا، وأحسن خاتمتنا، ولا تأخذنا إلا وأنت راض عنا».