بعد 22 عامًا.. نشوى مصطفى تكشف كواليس دورها بفيلم «اللمبي»

كشفت الفنانة نشوى مصطفى، كواليس مشاركتها بفيلم «اللمبي» بطولة الفنان محمد سعد، بعد 22 عامًا من عرضه في السينمات.

وأوضحت نشوى مصطفى، في تصريحات تليفزيونية، أنه عندما تم ترشيحها لدور الراقصة ضمن أحداث فيلم «اللمبي» رفضت على الفور؛ نظرًا لأن الدور صغير كما أنها لا تجرؤ على ارتداء «بدلة رقص».

وأضافت نشوى مصطفى قائلة: «لما جالي الدور كان صغير جدًا، وقالولي إحنا مرشحينك في دور راقصة.. قلت لهم لا أجرؤ على عمل هذا الدور.. ومش هيليق عليا الراقصة لازم تكون حلوة، وقلت لهم مش هقدر أقدم الدور».

وتابعت نشوى مصطفى، قائلة: «طلبوا مني اقرأ الدور، وقريت لقيتها كاركتر.. قالولي هتلبسي بدلة رقص وتحتها بيجاما، وأنا حسيتها معالجة قديمة للكوميديا، وفكرة بدلة الرقص بشكلها هتكسف أعملها».

نشوى مصطفى

وأكملت نشوى مصطفى، قائلة: «قلت لهم تعالوا نعملها بشكل تاني، زمان كانت البنت بتشتغل رقاصة وتقول عشان أجيب الدواء لأمي، دلوقتي ممكن الراقصة تشتغل عشان تجيب تليفون محمول أو تغير من كارت لخط، كان التليفون المحمول لسه مخترعينه جديد، واقترحت أنها تكون مثقفة مش لابسه بدلة رقص لابسه زي بوهيمي كده وأنا اللي فصلته، وقلت لهم بلاش ترقص شرقي مجتمع 'اللمبي' شعبي جدًا فهي ترقص تعبير حركي في الأوبرا، عدلنا في الشخصية بالاتفاق مع المؤلف والمخرج».

فيلم اللمبي

يذكر أن فيلم «اللمبي» تم عرضه في السينما عام 2002، بطولة محمد سعد، وعبلة كامل، وحسن حسني، وحلا شيحة، من تأليف أحمد عبد الله، وإخراج وائل إحسان.