بيصلي 5 مرات.. بسمة بوسيل تكشف عن مواصفات شريك حياتها المستقبلي

كشفت الفنانة بسمة بوسيل عن المواصفات التي تبحث عنها في شريك حياتها المستقبلي، موضحة أنها تريد الارتباط برجل قريب من الله، وليس بالضرورة متدينًا بشكل صارم، لكنه يخشى الله ويحرص على أداء صلواته الخمس، لأن ذلك يعكس صدقه وأمانته.

وأكدت بسمة بوسيل، في تصريحات تليفزيونية، على أن الإيمان الحقيقي ينعكس في تصرفات الإنسان، حيث يمنعه من الكذب أو الخيانة لأنه يخشى الله قبل أي شيء، قائلة: 'في اللي جاي أنا عايزة واحد يبقى قريب من ربنا، مش عايزه حد متدين أوي لكن بيعرف ربنا عشان يراعي ربنا فيا، ويكون بيصلي 5 مرات في اليوم وأشوفه قدامي بيصلي عشان دا العمود بتاع كل حاجة، لما أنت بتخاف ربنا بيكون في تربية من جواك، مش هقدر أكذب عشان ربنا هيزعل مني فهقول الحقيقة ومش هخون، لأن زي ما هعمل هاخد'.

لازم يكون مسلم

وأوضحت بسمة بوسيل أنها لا تضع شرطًا محددًا لجنسية الرجل، سواء كان مصريًا، مغربيًا أو أجنبيًا، لكن الأهم بالنسبة لها أن يكون مسلمًا ويملك وازعًا دينيًا، معتبرة أن مخافة الله أساس نجاح أي علاقة زوجية، قائلة: 'أنا كده كده لازم أتجوز مسلم عاوزة واحد بيعرف ربنا وبيخاف منه لأن بعد كده كل حاجة بتظبط، مش عارفة جنسيته إيه بس لازم مسلم'.

غير مستعدة للارتباط

أما عن موقفها الحالي من الزواج، فأكدت أنها غير مستعدة تمامًا للارتباط في الوقت الراهن، مشيرة إلى أنها لا تستطيع تقبل فكرة أن يتحكم فيها أحد أو يفرض عليها قيودًا، قائلة: 'أنا لسه مش جاهزة للارتباط، أنا دلوقتي مش بستحمل حد يتحكم فيا أبدا لو قالي متسافريش مثلا ممكن اتجنن، عايزة أكون مع نفسي في راحة، عايزة أصحى الصبح أسافر أي مكان أو أدخل استديو أغني أو أروح شركتي أو أسافر المغرب لأهلي، لما تبقى حاسس أنك مسجون وطلعت من السجن طبيعي مش هتبقى عايز حد يكلمك، عايزة حرية، ودا ترسبات عن الماضي'.