بيومى فؤاد يبكى بسبب محمد سلام ويوجه له رسالة

دخل الفنان بيومي فؤاد في نوبة بكاء بسبب الفنان محمد سلام، بعد أزمته الشهيرة معه خلال تصريحاته في موسم الرياض، ووجه له رسالة: «ربنا معاك».

وسأل بيومي فؤاد، محمد سلام، قائلاً: «إزاي ما تطلعش تدافع عننا؟ وعن أنور وهو ترشيحك؟.. أنا صدقتك جدًا أنت قولت في الفيديو بتاعك لا نفاق ولا رياء، وأنا راجل من وجهة نظري 'العبيطة' عشان أنا راجل طيب، ما كنتش هتخسر حاجة لو كنت طلعت وقت أنا ما اقدرتش، مش معنى إن محمد أنور قدر وراح يحصل معاه كده يا جماعة، خصوصًا أنه طلع ودافع عن أمير كرارة عند ظهور شائعة كاذبة بتقول إن أمير كرارة مشاه من المسلسل وهو أصلاً مكنش معاه في المسلسل، وطلعت دافعت عن طارق الجانيني لما اتشتم، لكن ليه ما تدافعش عن أنور؟.. ده مش عدل».

علق الفنان بيومي فؤاد، لأول مرة على تصريحاته التي أثارت الجدل بموسم الرياض بعد أزمة محمد سلام، قائلاً: «مش ندمان على كلامي وأنا قد كلامي عشان راجل واعتذر فقط عن حاجة واحدة أني قلت مش جاي اضحك وأنا جاي اضحك والضحك شيء جميل والكوميديا شيء صعب».

وأضاف بيومي فؤاد، خلال تصريحات تليفزيونية، أنهم يطلقون عليه في الخارج عمدة المصريين ويستشعر بمسئولية، قائلاً: «لما بطلع بمسرحية بحس أني رئيس بعثة ومسئول عن الناس بتوعنا ولكنا اشتمنا لما رحنا والحملة كانت شرسة على محمد أنور لأنه كان البديل ومكنتش بشوف الحاجات اللى على السوشيال ميديا ومحمد أنور كان بيبكي».

وتابع بيومي فؤاد قائلاً: «كنا بننزل وقت الفطار والغداء والعشاء نتعشى وهو مش معانا وكنا بنسابق الزمن وأنور كان بيعمل البروفات والأغانى والاستعراضات وعملنا بروفات يزيد عن شهر واحنا سفراء لبلدنا بيحبونا ويحترمونا ويقدرونا لو ده كايدكم أو غايظكم لكن دي حقيقة وهما بيحبونا وده غايظ اللي بيشتمنا ويدعي علينا ادعاءات والمفروض انه مثقف»، مؤكدًا أن محمد أنور كان مكتئب جدًا.