بيومي فؤاد يرد على انتقادات أزمته مع محمد سلام: عمري ما اشتغلت علشان الفلوس

علق الفنان بيومي فؤاد على أزمته مع الفنان محمد سلام وتعرضه لانتقادات، بسبب مسرحية زواج اصطناعي، وقال: «مراتي وأولادي أكبر نقاد ليّ، أنا عايش معاهم وفيه حاجات تنجح جماهيريًّا وتحقق إيرادات وهم بيلوموني عليها يا إما شايفني بكرر نفسي وأنا أحيانًا بزعل منهم».

وتابع بيومي فؤاد في تصريحات تلفزيونية له: «بس أنا متأكد أنهم حابين ليّ الخير، ولكن الحقيقة أنا للأسف الشديد فيه أعمال كتير بعملها وأنا غير راضي عنها وفيه أعمال بروحها على أساس أنها يوم واحد لكن ألاقي إني بطل العمل وبعدين أفاجئ إنهم يحطوني 30 مشهد في اليوم سينما مش دراما».

رد بيومي فؤاد على الانتقادات

واستكمل: «أنا راهنت على تاريخي وحب الناس ليّ كتير .. مرة شخص قال لي إيه يا أستاذ اللي أنت عامله في العمل ده فقلت أنا آسف ومش هعمل كده تاني».

واختتم الفنان بيومي فؤاد: «وأقسم بالله عمري ما اشتغلت علشان الفلوس واللهم لك الحمد ولادي متربيين على إن فيه فلوس تمام مفيش تمام».

بيومي فؤاد

تصريحات بيومي فؤاد

وتحدث الفنان بيومي فؤاد عن حبه للعمل وتأثير ذلك على علاقته بزوجته وأولاده، قائلًا: «أنا طالع لأبويا وبحب الشغل حتى في صلاتي بقول ربنا يكفينا قعدة البيت الوحشة».

وتابع الفنان بيومي فؤاد عبر تصريحات تلفزيونية: «وكم من فنانين وناس كتير لما يحالوا على المعاش بينقلب حالهم وبيجيلهم اكتئاب خاصة أصحاب الأثر والبصمة، وأنا من قبل الشهرة كنت موظف حكومة وبعمل مسرحيات كتير وممكن 3 مسرحيات في وقت واحد وكنت راضي ومكتف بذلك ومكنش في دماغي الشهرة».

بيومي فؤاد

بيومي فؤاد