بيومي فؤاد يكشف تطورات حالة عادل إمام الصحية

تطورات حالة الزعيم عادل إمام الصحية كشفها الفنان بيومي فؤاد، موضحًا أنه يحرص على الاطمئنان عليه من حين لآخر من خلال أبنائه.

تطورات حالة عادل إمام الصحية

قال الفنان بيومي فؤاد عن تطورات حالة عادل إمام الصحية من خلال تصريحات تلفزيونية له: «أنا على طول بطمن على عادل إمام من أبنائه، وهو كويس وزي الفل وهيفضل رمز للفن والفنانين».

ووجه له رسالة قائلًا: «يا أستاذ عادل وحشتني ووحشت جمهورك وربنا يديك الصحة وطول العمر وأنا هاجي أزورك قريب».

عادل إمام

تصريحات بيومي فؤاد

وكان قد كشف الفنان بيومي فؤاد سر قبوله عدد كبير من الأعمال الفنية في نفس الوقت، مؤكدًا أنه لا يستطيع الرفض بسبب خجله، معلقًا: «فيه ناس كتير بيفتكروا إني مش اجتماعي مع إني بتشرف بالتعرف على كل الناس، ولكني شخصية خجولة ودا بيأثر عليا».

وتابع: «وممكن أشتغل مع فنان في أكثر من عمل ونكون صحاب بس مش معايا رقم موبايله لأني مش بطلبه بسبب الخجل، والناس بيستغربوا جدًا لما يطلبوا مني رقم وأقول لهم مش معايا، والتمثيل بكثرة بيكسر الخجل أمام الكاميرا والجمهور في المسرح ولكنه مش بيغير الشخصية، وأحيانًا ممكن لما شخص يضغط عليا أشارك في عمل وأنا تعبان ومش فاضي لكن مبعرفش أرفض بسبب خجلي».

أجر بيومي فؤاد

وتحدث عن مطالبة المنتجين له برفع أجره، مضيفًا: «فيه ناس بيفتكروا إني بشارك في أعمال كتير من أجل الفلوس ولكن دا مش حقيقي، لدرجة المنتجين نفسهم بيطلبوا مني أعلي أجري تقريبًا لأني صعبت عليهم، وناس كتير بيستغربوا من أرقامي وأجري لحد دلوقتي، وبفكر أرفع أجري الفترة المقبلة».

وفيلما يخص تشبيهه بالفنان الراحل حسن حسني، قال الفنان بيومي فؤاد: «أنا بحب الشغل جدًا وساعات بيجيلي مشهد حلو في مسلسل أو ضيف شرف وبعمله ومقدرش أرفضه أو مثلا يتعرض عليا أتعاون مع يسرا في مشهد، طبًعا مقدرش أرفض وأقول لأ لنجمة كبيرة زي يسرا، وأنا بسير على نفس خطى حسن حسني بدون ما أقصد والشبه بيننا أننا بنشتغل كتير ومبقدرش أقول للشغل لأ، وأكيد أنا استفدت من الشغل كتير وخصوصًا المسرح لأنه بيضيف ثٌقل لموهبة الفنان».

عادل إمام وبيومي فؤاد

بيومي فؤاد

بيومي فؤاد