بيومي فؤاد ينفعل على بعض جماهير الزمالك: لما يخسروا بيعلقوا شماعات

أعرب الفنان بيومي فؤاد عن انزعاجه من بعض جماهير نادي الزمالك، عقب خسارة فريقهم برباعية أمام النادي الأهلي، قائلًا: «عمري ما غلطت ولا قليت أدبي على جماهير الزمالك».

بيومي فؤاد وجماهير نادي الزمالك

قال بيومي فؤاد في تصريحات تلفزيونية له: «أنا ربنا خلقني أهلاوي إيه المشكلة، الزمالك لو اتغلب من ريال مدريد هيدوروا على أي حاجة غير إنهم وحشين.. وشيكابالا قال لعمرو أديب لو كورة هناخد الدوري يعني إيه كورة هو إحنا بنلعب بلي».

وتابع: «إمتى هتقولوا إنكم اتغلبتوا النهاردة علشان وحشين أو اللي قدامكم كانوا كويسين، ولما الزمالك خد كأس مصر من الأهلي قلت على الأهلي دا إحنا غلابة النهارده ووحشين، هما لما يخسروا بيعلقوا شماعات ومبررات الخسارة منها الظلم والتحكيم والمؤامرات والسحر».

بيومي فؤاد

تصريحات بيومي فؤاد

واستكمل: «الزمالك بيتجامل والأهلي بيتجامل الزمالك بيتظلم والأهلي بيتظلم، ولكن هناك أمور أخرى وراء الخسارة لا بدَّ على الزمالك الوقوف أمامها والاعتراف بالتقصير والخلل والمشاكل بعيدًا عن الشماعات.. اشمعنا إحنا كلامنا اللي بيبقى مر ولو الزملكاوي شتم وقل أدبه يبقى كويس، الزملكاوي بيقول لو كرة زيزو دخلت طيب ما كرة أفشة جت في العارضة، ده ماتش 6/1 بيقولوا لو كورة وليد صلاح عبد اللطيف دخلت كان الزمالك كسب، هو ده كلام يعقل».

بيومي فؤاد