تالين عايزة شهادة ميلاد.. الأب الندل يهرب ويرفض الاعتراف بها والأم تروى التفاصيل الصادمة

اتجوزت عرفي 8 شهور ووثقت فيه شوفت منه حنية ماشوفتهاش من أهلى.. بهذه الكلمات بدأت «إيمان» صاحبة الـ 28 عاما، تروي قصتها المأساوية بعد زوجها عرفي من شاب وأنجبت منه طفلة لم يعترف بها.

قالت «إيمان»، إن بداية التعارف، «قابلته فى المستشفى كنت شغالة مع دكتور كان جاي المستشفى مع حد بيكشف، واتعرفت عليه بدأنا نعرف بعض وخرجنا كذا مرة وعرض عليا الجواز، قالى هتجوزك وكل حاجة تبقى بعيد عن أهلى».

وأضافت «إيمان» خلال لقائها مع الإعلامية نهال طايل عبر برنامج تفاصيل المذاع على قناة صدى البلد 2«إيمان»،: «أنا اتعلقت بيه وحبيته في شهر، وأمنتله وماشوفتش منه حاجة وحشة في البداية، موضحة «فى نفس الوقت كنت هربانة من والدى من كفر الشيخ، وجات على القاهرة بعد ماجوزنى واحد غصب عنى واطلقت بعد شهر، وعندنا كلمة طلاق دى عيبة كبيرة».

وأوضحت، سبب الطلاق كان في مشاكل مع جوزى، ورفعت عليه قضية، واطلقت وبعد الطلاق كنت قاعدة مع والدي كان بيعاملنى معاملة صعبة جدا، وكان جايب عليا اللوم كله ودايما بيضغط عليا، وتابعت بعد فترة «مشيت وسيبت البيت وجات على القاهرة قعدت مع واحدة صاحبتى»، مضيفة أنها، بعد فترة، عادت لأهلها مرة أخري.

موضحة أنها كانت مستمرة في عملها بالمستشفي، واتفقت مع الشخص الذي قابلته على الزواج، وبالفعل تم الزواج، وتم توفير شقة لها في منطقة فيصل، وبعد الزواج قالى شرط اننا مانخلفش دلوقتى، بس حصل حمل بعد شهر، وحاولت انزله كذا مرة معرفتش ورحت لكذا دكتور مارضيش ينزله جابلى شريط برشام وقالى لازم تاخديه».

وتابعت: «بعد جرعة البرشام حصلى نزيف جامد واتحجزت فى المستشفى 17 يوم، وأنا بين الحياة والموت والجنين ماانزلش، وبعد ماخرجت قابلته قالى اللى فى بطنك ده مش منى، وروحى شوفى هو ابن مين قولتله هروح أقول لأاهلك خد منى الموبايل».

واستطردت حديثها قائلة: «عملت محضر إثبات حالة إنى حامل منه وهو بينكر اللى فى بطنى، واتقبض عليه بعدها ووالده جالى القسم واتحايل عليا عشان اتنازل، وقالى اللى فى بطنك ابننا واحنا مش هنرمى لحمنا، اتنازلى يابنتى وبلاش «كريم»، يتعرض على النيابة، واقنعنى انى اتنازل».

واستكملت، «بعد ماخرج والده قالى يومين وهنكلمك نشوف هنعمل أيه يومين وكلمنى، وقالى هتروحى المستشفى تنزلى الجنين خالة كريم هتجيلك وتروحى معاها قولتله لاء لازم هو اللى يروح معايا قالى خلاص حلى موضوعك مع نفسك بقى».

واستكملت،: «فضلت لحد ماولدت وكلمت واحد صاحبه وأنا بولد وكلمه قاله خليها تموت، ولدت طفلة سمتها تالين، ومعرفتش اسجلها باسم مين».

واختتمت حديثها: «ليا ابن عمى كنت قولتله على الموضوع وعارف كل حاجة، اتصل بوالد كريم جوزى قالى خلى والدها يكلمنى، والدى كلمه قالى اللى فى بطنها ده مش من ابنك ده تبع حد تانى أنا عارفه، وهاتولى 150 ألف جنيه وأنا اسقطها، سجله المكلمة لوالدى وبقوا يسمعوها للناس إن والدى بيقول إن اللى بطنى مش تبعهم، وأنا معايا كل أوراق المستشفى، وعاوز أعمل تحليل DNA، عشان اثبت نسب بنتى واطلعها شهادة ميلاد».